ഒഴിവാക്കാമായിരുന്ന മഹാഭാരത യുദ്ധം എന്ന ടൈറ്റിലോടുകൂടി മറിയം വന്ന് വിളക്കൂതിയിലെ ആദ്യ സ്‌നീക്ക് പീക്ക് പുറത്തിറങ്ങി. നവാഗതനായ ജെനിത് കാച്ചപ്പിള്ളി സംവിധാനം ചെയ്യുന്ന ചിത്രമാണിത്. ചിത്രം ഒരു കോമഡി എന്റര്‍ടെയ്നര്‍ ആണെന്ന് സൂചന നല്കുന്നത് തന്നെയാണ് വീഡിയോയില്‍ നിന്ന് വ്യക്തമാകും. സ്റ്റോണര്‍ കോമഡി വിഭാഗത്തില്‍ പെട്ട ചിത്രത്തിലെ മഹാഭാരതം സ്പൂഫ് ആസ്പപദമാക്കിയ രംഗമാണ് റിലീസ് ചെയ്തിരിക്കുന്നുത്. കുരുക്ഷേത്ര യുദ്ധത്തിന് മുന്‍പുള്ള യുധിഷ്ഠിരനും ദുര്യോദനനും തമ്മിലുള്ള സന്ധി സംഭാഷണമാണ് സ്പൂഫാക്കി ചിത്രീകരിച്ചിരിക്കുന്നത്. സംവിധായകന്‍ തന്നെയാണ് ചിത്രത്തിന്റെ രചനയും സംവിധാനവും നിര്‍വ്വഹിച്ചിരിക്കുന്നത്.