വാഷിങ്ങ്ടണ് ഡി സി: പ്രസിഡന്റ് ഡൊണള്ഡ് ട്രമ്പിനെ ഇമ്പീച്ച് ചെയ്യുന്നതിനുള്ള രണ്ടാര്ട്ടിക്കിള്സും (ആരോപണങ്ങള്) യു എസ് സെനറ്റ് തള്ളി. ഇതോടെ ഇമ്പീച്ച്മെന്റ് അവസാനിച്ചു.
ഒക്ലഹോമയില് നിന്നുള്ള ഡെമോക്രാറ്റിക് സെനറ്റര്മാരായ ജെയിംസ് ലങ്ക്ഫോര്ഡും, ജിം ഇന്ഹോളും ട്രമ്പിനു അനുകൂലമായി വോട്ട് ചെയ്തു. എന്നാല് റിപ്പബ്ലിക്കന് പാര്ട്ടി അംഗം മിറ്റ് റോമ്നി ആര്ട്ടിക്കിള് ഒന്നിന് അനുകൂലമായി വോട്ട് രേഖപ്പെടുത്തി. ആര്ട്ടികള് ഒന്നിന് അനുകൂലമായി 52 വോട്ടു ലഭിച്ചപ്പോള് എതിര്ത്ത് 48 വോട്ടുകള്.
ആര്ട്ടിക്കിള് രണ്ട് 53-47 വോട്ടുകളോടെ തള്ളി. മിറ്റ് റോമ്നി ഇത്തവണ ട്രമ്പിനു അനുകൂലമായി വോട്ട് ചെയ്തു.
ഒരേ പാര്ട്ടിയില് നിന്നും ചരിത്രത്തില് ആദ്യമായാണ് ഒരു സെനറ്റര് ഇപീച്ച്മെന്റിനു അനുകൂലമായി വോട്ടു രേഖപ്പെടുത്തുന്നത് .
അമേരിക്കന് രാഷ്ട്രീയത്തില് കുറെ നാളുകളായി ഉരുണ്ട് കൂടിയിരുന്ന കാര്മേഘങ്ങള് പെയ്തൊഴിഞ്ഞ ദിവസമായിരുന്നു ബുധനാഴ്ച.
ഇതിനു മുന്പ് ഇമ്പീച്ച് ചെയ്യപ്പെട്ട ആന്ഡ്രൂ ജോണ്സന്, ബില് ക്ലിന്റണ് എന്നിവരും സെനറ്റിലെ കുറ്റവിചാരണയില് മോചിതരാകുകയായിരുന്നു