സമൂഹമാധ്യമങ്ങളിലെ ട്രോളന്മാരുടെ ഇരയാണ് നടി പ്രയാഗ മാര്ട്ടിന്. നിരന്തരം ട്രോളുകള്ക്ക് ഇരയാകുന്ന താരം കൂടിയാണ് പ്രയാഗ. ഇപ്പോള് സംഭവത്തില് രൂക്ഷ വിമര്ശനവുമായി രംഗത്ത് വന്നിരിക്കുകയാണ് താരം. പ്രമുഖ മാധ്യമത്തിന് നല്കിയ അഭിമുഖത്തിലാണ് താരം രൂക്ഷവിമര്ശനം നടത്തിയത്.
ദുരന്തം, എന്തിനോ വേണ്ടി തിളക്കുന്ന സാമ്ബാര് തുടങ്ങി മോശമായ കമന്റുകള് ചിലര് എഴുതുന്നത് കണ്ടിട്ടുണ്ട്. ഒരാളുടെ മുഖത്ത് നോക്കി നമ്മള് ഇങ്ങനെ സംസാരിക്കുമോ? ആ ഒരു സ്വാതന്ത്ര്യം എടുക്കുന്നത് മോശമാണ്, വളരെ വിഷമമുള്ള കാര്യമാണ്. പിന്നെ ഇതൊക്കെ പറയാനേ എനിക്ക് കഴിയൂ. അവരുടെ നിലവാരത്തിലേക്ക് താഴാന് എനിക്കാകില്ല. അങ്ങനെ ചെയ്താല് ഞാനും അവരും തമ്മില് എന്ത് വ്യത്യാസം- പ്രയാഗ ചോദിക്കുന്നു.