ഫോമാ ഇലക്ഷനില് ആരൊക്കെയാകും വോട്ടവകാശമുള്ള ഡലിഗേറ്റുകള് എന്നത് പല സ്ഥാനാര്ഥികള്ക്കും ആശങ്കയായി. അതാത് സംഘടനകളില് നിന്നുള്ളവര് ആയിരിക്കുമോ ഡലിഗേറ്റുകള് അതോ കപ്പല് കണ് വന്ഷനെത്തുന്ന ആരെയും ഡലിഗേറ്റാക്കുമോ എന്നതാണു പ്രശ്നം.
ഫോമാ ഭരണഘടന പ്രകാരം അസോസിയേഷന് പ്രസിഡന്റും സെക്രട്ടറിയും ഒപ്പിട്ടാണു ഒരാളെ ഡലിഗേറ്റായി നിയമിച്ച കാര്യം ഫോമാ ഇലക്ഷന് സമിതിയെ അറിയിക്കുന്നത്. സംഘടനയില് ഗുഡ് സ്റ്റാന്ഡിംഗ് ഉള്ള ആളാണു ഡലിഗേറ്റ് എന്നു സെക്രട്ടറിയും പ്രസിഡന്റും സാക്ഷ്യപ്പെടുത്തണം.
അതിനര്ഥംചിക്കാഗോയില് താമസിക്കുന്നയാള്ക്ക് ന്യു യോര്ക്കിലെ സംഘടനയില് നിന്ന് ഡലിഗേറ്റാകാന് പറ്റില്ല എന്നാണു്.
പക്ഷെ എല്ലാ സംഘടനയില് നിന്നും അഞ്ചും ഏഴും വീതമൊന്നും ഡലിഗേറ്റുകള് ഇത്തവണ കപ്പല് കണ് വന്ഷനില് പങ്കെടുക്കാന് പോകുന്നില്ല. അതിനാലാണു വന്നിട്ടുള്ള ആരെയും ഡലിഗേറ്റാക്കുമോ എന്ന ആശങ്ക ഉയര്ന്നിരിക്കുന്നത്.
മാത്രമല്ല, അസോസിയേഷന് പ്രസിഡന്റും സെക്രട്ടറിയും വ്യാജ സത്യവാങ്മൂലം നല്കിയാല് അത് അവര്ക്ക് ഭാവിയില് പ്രശ്നം സ്രുഷ്ടിക്കുകയും ചെയ്യാം.
അതിനാല് ഡലിഗേറ്റ് ലിസ്റ്റ് കാലേകൂട്ടി പ്രസിദ്ധീകരിക്കണമെന്നു പല സ്ഥാനാര്ഥികളും ആവശ്യപ്പെടുന്നു