ട്രാന്‍സിന് വേണ്ടി ഫോര്ട്ട് കൊച്ചിയെ ആംസ്റ്റര്‍ഡാമാക്കിയത് 14 ദിവസം കൊണ്ട്
കഴിഞ്ഞ ദിവസം ചിത്രത്തിലെ ക്ലൈമാക്സ് രംഗം സോഷ്യല്‍ മീഡിയയില്‍ ചര്‍ച്ച വിഷയമായിരുന്നു. ക്ലൈമാക്സിലെ ആംസ്റ്റര്‍ഡാം രംഗങ്ങള്‍ ഫോര്‍ട്ട്കൊച്ചിയിലായിരുന്നു ഷൂട്ട് ചെയ്തത് . ഇപ്പോഴിത ഇതിനെ കുറിച്ചുള്ള കൂടുതല്‍ വെളിപ്പെടുത്തലുമായി ആര്‍ട്ട് ഡയറക്ടര്‍ അജയന്‍ ചാലിശ്ശേരി. 14 ദിവസം കൊണ്ടാണ് ഫോര്ട്ട് കൊച്ചിയെ ആംസ്റ്റര്‍ഡാമാക്കി മാറ്റിയത്. സെറ്റിടുന്നതിന്റെ ചിത്രങ്ങളും മാറ്റും അദ്ദേഹം ഫേസ്ബുക്ക് പേജില്‍ പങ്കുവെച്ചിട്ടുണ്ട്.
അജയന്‍ ചാലിശ്ശേരിയുടെ വാക്കുകള്‍ ഇങ്ങനെ...
സത്യമാണ്‌ !
ആംസ്റ്റര്‍ഡാം നമ്മുടെ കൊച്ചിയിലാണ്‌ !!
ആംസ്റ്റര്‍ഡാം ലെ റെഡ് ഡിസ്ട്രിക്റ്റില്‍ സിനിമാ ചിത്രീകരണത്തിനു അനുമതിയില്ലാത്തത്‌ കൊണ്ട് ആ സ്ട്രീറ്റി ലേക്ക്‌ എന്‍ട്രിയെല്ലാം അവിടെത്തന്നെ ഷൂട്ട് ചെയ്‌തതിനു ശേഷം ബാക്കി ഷൂട്ടിംഗ്‌ ഫുട്ടേജ്‌ നോക്കി നമ്മളിവിടെ ഫോര്ട്ട് കൊച്ചിയില്‍ . അവിടത്തെ ആര്‍ക്കിടെക്ചറിനോട്‌ സാമ്യമുള്ള ബില്‍ഡിംഗ്‌ ഏരിയയില്‍ സെറ്റ് ഇടുകയായിരുന്നു .ഏകദേശം 14 ദിവസങ്ങള്‍ എടുത്താണ്‌ മഴദിവസങ്ങള്‍ക്കുള്ളിലും സെറ്റ് പൂര്‍ത്തിയാക്കിയത്‌.- അദ്ദേഹം കുറിച്ചു.
ആംസ്റ്റര്‍ഡാമിലെ റെഡ് ലൈറ്റ് ഡിസ്ട്രിക്ടില്‍ ഷൂട്ട് ചെയ്യുന്നത് പുതിയ നിയമപ്രകാരം അനുവദീയമായിരുന്നില്ല. തുടര്‍ന്ന് കലാസംവിധായകന്‍ അജയന്‍ ചാലിശ്ശേരിയുടെ നേത്യത്വത്തില്‍ സെറ്റ് നിര്‍മ്മിക്കുകയായിരുന്നു. തുടര്‍ന്നാണ് ക്ലൈമാക്സ് സീണ്‍ ഷൂട്ട് ചെയ്തത്. ഫഹദ് ഫാസില്‍ റെഡ് ഡിസ്ട്രിക്ടില്‍ കൂടി നടക്കുന്ന രംഗങ്ങളെല്ലാം ഇവിടെയാണ് ചിത്രീകരിച്ചത്.
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala