ഹഡ്സൺ വാലി മലയാളി അസോസിയേഷൻ മാതൃകാ പ്രവർത്തനങ്ങളുമായി രംഗത്ത്
ഫ്രാൻസിസ് തടത്തിൽ Published on 29 May, 2020
കോടതി വിധി അനുകൂലമായതോടെ വീണ്ടും ഭരണചുമതലയേറ്റ് ചുമതലയേറ്റ ഭരണസമിതി സാമൂഹ്യപ്രവർത്തങ്ങളിൽ സജീവമായി മാതൃകയാകുന്നു. അമേരിക്കയിൽ കോവിഡ് 19 ഏറ്റവും കൂടുതൽ വ്യപകമായ ദുരിതം വിതച്ച റോക്ക്‌ലാൻഡ് കൗണ്ടിയിൽ സാമൂഹ്യ പ്രവർത്തങ്ങൾ ആരംഭിക്കാനാണ് വീണ്ടും ചുമതലയേറ്റ ഹഡ്സൺ വാലി മലയാളി അസോസിയേഷൻ ഭരണസമിതിയുടെയും ബോർഡ് ഓഫ് ഡയറക്റ്റര്മാരുടെയും സംയുക്തയോഗം തീരുമാനിച്ചത്.
കോവിഡ് 19 പ്രതിരോധ പ്രവർത്തങ്ങളുടെ ഭാഗമായി റോക്ക്‌ലാൻഡ് കൗണ്ടിയുമായിച്ചേർന്ന് ഹെൽത്ത് കെയർ എമെർജെൻസി വർക്കേഴ്സിന് ഫേസ് ഷീൽഡ് , ഫേസ് മാസ്ക്ക് തുടങ്ങിയ അവശ്യ സുരക്ഷ സംവീധാനങ്ങൾ നൽകാനാണ് തീരുമാനം.കോടതിവിധിയെ തുടർന്ന് പ്രവർത്തനം നിലച്ചുപോയിരുന്ന മലയാളം സ്ക്കൂളിന്റെ പ്രവർത്തനം പൂർവാധികം ശക്തമായി പുനരാരംഭിക്കാനും തീരുമാനിച്ചു. മികച്ച സാങ്കേതിക തികവോടെ ഓൺലൈൻ ആയിട്ടായിരിക്കും കോവിഡ്കാലത്തു ക്‌ളാസുകൾ പുനരാരംഭിക്കുക.അതിന്റെ രേജിസ്ട്രേഷൻ നടപടികൾ ത്വരിതഗതിയിൽ ആരംഭിക്കാനും തീരുമാനിച്ചതായി ഭാരവാഹികൾ അറിയിച്ചു.ജൂലൈ മാസത്തിൽ നടത്താനിരുന്ന ഹഡ്സൺ വാലി മലയാളി അസോസിയേഷൻപിക്ക്നിക്ക് റദ്ധാക്കി. മറ്റു ഭാവി പരിപാടികൾ കൂടുതൽ ചർച്ചകൾ ചെയ്തു പിന്നീട് തീരുമാനിക്കും.
ഹഡ്സൺ വാലി മലയാളി അസോസിയേഷൻ ബോർഡ് ഓഫ് ഡയറക്‌ടേഴ്‌സിന്റെ യോഗം പ്രസിഡണ്ട് ജിജി ടോമിന്റെ അധ്യക്ഷതയിൽ ചേർന്നാണ് സംഘടനയുടെ ഭാവി പ്രവർത്തനങ്ങൾ നും തീരുമാനിച്ചത്. മെയ് 18 നും മെയ് 28 നും ചേർന്ന സൂം(Zoom) മീറ്റിംഗിൽ സംഘടനയുടെ മുമ്പോട്ടുള്ള പ്രവർത്തനങ്ങൾ ഭംഗിയായി കൊണ്ടുപോകുന്നതിനുള്ള കാര്യങ്ങളെ ഡയറക്ടർ ബോർഡ് വിശദമായ വിശകലനങ്ങൾ നടത്തി.
ഹഡ്സൺ വാലി മലയാളി അസോസിയേഷൻ സെക്രട്ടറി സജി എം. പോത്തൻ പ്രവർത്തനരേഖ സമർപ്പിച്ചു. കഴിഞ്ഞ വർഷങ്ങളിൽ സംഘടനയുടെ പ്രവർത്തനങ്ങൾക്കു അംഗങ്ങൾ നൽകിയ പിന്തുണയ്ക്ക് നന്ദി പറഞ്ഞ ഹഡ്സൺ വാലി മലയാളി അസോസിയേഷൻ ട്രഷറർ അപ്പുക്കുട്ടൻ നായർ എല്ലാവരുടെയും സ്നേഹവും സഹകരണവും മുൻപോട്ടും തുടരണമെന്നും അഭ്യർത്ഥിച്ചു.
കോവിഡ് എന്ന മഹാമാരിമൂലം മാനവരാശിക്കുണ്ടായിക്കൊണ്ടിരിക്കുന്ന തീരാ ദുഖത്തിലും വേദനയിലും ഹഡ്സൺ വാലി മലയാളി അസോസിയേഷൻ ഉത്കണ്ഠ രേഖപ്പെടുത്തുകയും ദുരന്തത്തിനിരയായി ജീവൻ പൊലിഞ്ഞവരുടെ അൽമാക്കൾക്കളുടെ നിത്യശാന്തിക്കായി വേണ്ടി പ്രാർത്ഥിക്കുകയും ചെയ്തു.
ഡയറക്ടർ ബോർഡ് യോഗത്തിൽ ജിജി ടോം, സജി എം. പോത്തൻ, അപ്പുക്കുട്ടൻ നായർ തുടങ്ങിയ നേതാക്കൾക്ക് പുറമെ ബോർഡ് ഓഫ് ഡയറക്ടർമാരായ പോൾ കറുകപ്പള്ളിൽ, ഫിലിപ്പോസ് ഫിലിപ്പ്,വര്ഗീസ് ഉലഹന്നാൻ തുടങ്ങിയവരും സംബന്ധിച്ചു.ഡയറക്ടർ ബോർഡ് അംഗംങ്ങളായ ലൈസി അലക്സ്, ഷാജിമോൻ വെട്ടം എന്നിവർ യോഗത്തിൽ പങ്കെടുക്കാൻ അസൗകര്യമുണ്ടെന്ന് അറിയിച്ചിരുന്നു.
Facebook Comments
Comments
vaayanakkaran 2020-05-30 09:13:34
പ്രെസിഡൻഡ്, വൈസ് പ്രെസിഡൻഡ് ഇല്ലാത്ത ഹഡ്സൺ വാലി ഇനിമുതൽ ബോർഡ് ഓഫ് ഡയറക്ടർസ് ആണോ ഭരിക്കുന്നത്.
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala