വാഷിംഗട്ണ്: ലോകാരോഗ്യ സംഘടനയുമായുള്ള ബന്ധം അമേരിക്ക അവസാനിപ്പിക്കുകയാണെന്ന് പ്രസിഡന്റ് ഡോണള്ഡ് ട്രംപ്. കൊവിഡ് മഹാമാരി വ്യാപനത്തെ കുറിച്ച് മറച്ചുവെച്ച് വഞ്ചിച്ചതിലും ഹോംങ് കോംഗിലെ നടപടിയില് പ്രതിഷേധിച്ചും ചൈനയ്ക്കെതിരെ ചെറിയ ഉപരോധങ്ങളും ഏര്പ്പെടുത്തുമെന്ന് ട്രംപ് പറഞ്ഞു.
ലോകാരോഗ്യ സംഘടനയ്ക്കുള്ള 3000 കോടിയുടെ സഹായം റദ്ദാക്കുമെന്നും അത് മറ്റേതെങ്കിലും സംഘടനയ്ക്ക് നല്കുമെന്നും ട്രംപ് പറഞ്ഞൂ. വെള്ളിയാഴ്ച വൈറ്റ് ഹൗസില് നടത്തിയ പ്രസ്താവനയിലാണ് ട്രംപ് ഇക്കാര്യമറിയിച്ചത്. ചൈനീസ് റിസേര്ച് വിദ്യാര്ത്ഥികള് അമേരിക്കയില് പഠിക്കുന്നത് നിരോധിക്കാന് മുന്കൈ എടുക്കും. ഇവര് വഴി സുരക്ഷ ഭീഷണി ഉയരുന്നതിനാലാണിത്. യു.എസ് സ്റ്റോക്ക്എക്സ്ചേഞ്ചില് ലിസ്റ്റു ചെയ്തിരിക്കുന്ന ചൈനീസ് കമ്പനികള്ക്കെതിരെയും നടപടി സ്വീകരിക്കും. അവരുടെ പ്രവര്ത്തനം യു.എസ് നിയങ്ങളെ അസ്ഥിരപ്പെടുത്തുവെന്നും ട്രംപ് പറഞ്ഞു.