ഏകാന്തതേ,
നിന്നെ സ്നേഹിക്കുന്നു ഞാൻ
നീയേകും
ശാന്തതയെത്ര സുഖപ്രദം
വാക്കുകൾ ചെയ്തികൾ ഭാവങ്ങൾ കൊണ്ടെന്നെ
ദ്രോഹിക്കാനാളില്ലാ -
യിന്നെന്റെ ചുറ്റിലും
ഏകാന്തതേ, നീയെന്നെ പഠിപ്പിച്ചു
സർവ്വേശൻ
തുണയായ് കൂട്ടിനുണ്ടെന്ന് ,
അറിഞ്ഞു
ഞാനാ ദിവ്യസാന്നിധ്യം
അനുഭവിച്ചു
ഞാനാ സാന്ത്വന സ്പർശം
ഏകാന്തതേ,
നീ ഉണർത്തുന്നുയെന്നിൽ
ചിന്തകളേറെ സന്തോഷമേറെ
നന്ദിയേകുവാൻ വാക്കുകളില്ലാ -
യേകുവാനൊന്നുമേ കൈകളിലില്ലാ..