ചൈനയുമായുള്ള അതിര്‍ത്തി സംഘര്‍ഷത്തിനിടെ ഇന്ത്യന്‍ വ്യോമസേനയുടെ നിലവിലുള്ള മിഗ് -29 വിമാനങ്ങള്‍ നവീകരിക്കാനുള്ള നിര്‍ദ്ദേശത്തോടൊപ്പം 21 മിഗ് -29 വിമാനങ്ങള്‍ വാങ്ങുന്നതിനുള്ള നിര്‍ദ്ദേശത്തിന് പ്രതിരോധ മന്ത്രാലയം വ്യാഴാഴ്ച അംഗീകാരം നല്‍കി. കൂടാതെ, 12 സു -30 എം‌കെ‌ഐ വിമാനങ്ങള്‍ വാങ്ങുന്നതിനും പ്രതിരോധ മന്ത്രാലയം പച്ചക്കൊടി കാട്ടി.

റഷ്യയില്‍ നിന്നും മിഗ് -29 വാങ്ങുന്നതിനു നവീകരണത്തിനും 7418 കോടി രൂപയാണ് ചെലവ്. 10,730 കോടി രൂപ ചെലവില്‍ ഹിന്ദുസ്ഥാന്‍ എയറോനോട്ടിക്സ് ലിമിറ്റഡില്‍ (എച്ച്‌എഎല്‍) നിന്നും സു -30 എംകെഐ വാങ്ങും.

ജൂലൈ 2 ന് നടന്ന ഡിഫെന്‍സ് ആക്വസിഷന്‍ കൗണ്‍സില്‍ യോഗത്തില്‍ പുതിയ വിമാനങ്ങള്‍ വാങ്ങുന്നതിനുള്ള രണ്ട് നിര്‍ദേശങ്ങളും മറ്റുള്ളവ നവീകരിക്കുന്നതിനുള്ള മൂന്നാമത്തെ നിര്‍ദ്ദേശവും അംഗീകരിച്ചതായി ഇന്ത്യ ടുഡേ റിപ്പോര്‍ട്ട് ചെയ്തു. മൊത്തത്തില്‍ 38,900 കോടി രൂപയുടെ പ്രപ്പോസല്‍ യോഗത്തില്‍ അംഗീകരിച്ചു എന്നാണ് റിപ്പോര്‍ട്ട്.