ഇന്ത്യയിലെ പ്രമുഖ സൈക്കിള് നിര്മ്മാതാക്കളായ ഹീറോ സൈക്കിള്സ് ചൈനയുമായുള്ള 900 കോടി രൂപയുടെ കരാര് റദ്ദാക്കിയതായി റിപ്പോര്ട്ട്. ഇന്ത്യ-ചൈന സംഘര്ഷങ്ങളുടെ പശ്ചാത്തലത്തിലാണ് വ്യാപാര ബന്ധം അവസാനിപ്പിക്കുന്നതെന്നാണ് റിപ്പോര്ട്ട്.കമ്പനി ചൈനയുമായി 900 കോടി രൂപയുടെ ബിസിനസ്സ് നടത്താന് തീരുമാനിച്ചിരുന്നെങ്കിലും ചൈനീസ് ഉത്പന്നങ്ങള് ബഹിഷ്കരിക്കുന്നതിന്റെ ഭാഗമായി ആ പദ്ധതികള് റദ്ദാക്കിയതായി കമ്പനി ചെയര്മാനും മാനേജിംഗ് ഡയറക്ടറുമായ പങ്കജ് മുഞ്ജല് വെളിപ്പെടുത്തി.
അടുത്ത 3 മാസത്തിനുള്ളിലാണ് ഹീറോ സൈക്കിള്സ് ചൈനയുമായി 900 കോടി രൂപയുടെ ബിസിനസ്സ് നടത്തേണ്ടിയിരുന്നത്. ചൈനയുമായുള്ള വ്യാപാര ബന്ധം അവസാനിപ്പിച്ചതോടെ കമ്പനി ബദല് വിപണികള് തേടി കൊണ്ടിരിക്കുകയാണ്.