പുതിയ സിനിമകളുടെ ഷൂട്ടിങ് ആരംഭിക്കാന്‍ പ്രോഡ്യൂസേഴ്സ് അസോസിയേഷന്റെ അനുമതി. കൊവിഡ് പ്രോട്ടോക്കോള്‍ പൂര്‍ണമായും പാലിച്ചായിരിക്കണം ചിത്രീകരണം. ഓണ്‍ലൈനായി ചേര്‍ന്ന നിര്‍മ്മാതാക്കളുടെ യോഗത്തിലായിരുന്നു തീരുമാനം

കൊവിഡ് വ്യാപനം മൂലം അറുപതോളം സിനിമകളുടെ ചിത്രീകരണമടക്കമുള്ള ജോലികള്‍ പാതിവഴിയിലായിരുന്നു. ഈ സിനിമകള്‍ ആദ്യം റിലീസ് ചെയ്യണമെന്നാണ് നിര്‍മ്മാതാക്കള്‍ അറിയിച്ചിരിക്കുന്നത്. അതിന് ശേഷമായിരിക്കണം പുതിയതായി ചിത്രീകരണം ആരംഭിക്കുന്ന സിനിമകള്‍ റിലീസ് ചെയ്യേണ്ടത്.

പുതിയ സിനിമകള്‍ വേണ്ടെന്നായിരുന്നു പ്രൊഡ്യൂസേഴ്സ് അസോസിയേഷന്റെ നേരത്തെയുള്ള നിലപാട്. ഫിലിം ചേംബറും പ്രഡ്യൂസേഴ്സ് അസോസിയേഷന്‍ തീരുമാനത്തെ പിന്തുണച്ച് രംഗത്തെത്തി. ഈ നിര്‍ദേശത്തിനെതിരെ ലിജോ ജോസ് പെല്ലിശേരി അടക്കമുള്ള സംവിധായകര്‍ രംഗത്തെത്തിയിരുന്നു.