മനോജ്ഞമാമീമാകന്ദത്തോപ്പിൽ
മരതകച്ഛായയിൽ മുഗ്ദ്ധസംഗീതം
മാലേയവായുവിൽ മധുരമയമാമീ
മനോമയഗാനമുതിർക്കുന്നതാരേ?
മഹിതശോഭമാം മഞ്ജിമവനിയിൽ
മാൻകിടാവിനേപ്പോലാമഗ്നയായ്
മന്മനമാടുന്നു ആനന്ദനർത്തനം!
മാമകാനന്ദമേ, മേദിനീ നിൻദർശന
മേതുമനസ്സിനും രോമഹർഷപ്രദം!
മന്നിൻ്റെ മക്കൾ മനുജർ നിർദ്ദയം
മൽപ്രിയേ! നിന്നെഹനിപ്പതുകാൺകേ
മമ മാനസം യുദ്ധകാഹളം മുഴക്കുന്നു
മത്സഖീ! മായികേ മൽജീവീതവും
മമ ഹൃദയമലരിലെഴും മൃദുരവവും
മഞ്ജുളേയെന്നും നിനക്കായ്പ്പൊഴിയും
മഹനീയം നിൻ മഹിമകളെന്നെന്നും
മംഗളമായാമയൂഖമേ! പാടീടും ഞാൻ!