കൊച്ചി : പാലാരിവട്ടം മേല്പ്പാലാത്തിന്റെ പൊളിക്കല് നടപടികള് ആരംഭിച്ചു. ഇതിനു മുന്നോടിയായി പാലത്തില് പൂജ നടന്നു. ടാറിംഗ് ഇളക്കിമാറ്റുന്ന ജോലിയാണ് ആദ്യം പുരോഗമിക്കുന്നത്. ഡിഎംആര്സി മുഖ്യ ഉപദേഷ്ടാവ് ഇ. ശ്രീധരന്റെ മേല്നോട്ടത്തിലാണ് മേല്പ്പാലത്തിന്റെ പുനര്നിര്മാണം നടക്കുക.
ഊരാളുങ്കല് ലേബര് കോണ്ട്രാക്ട് സൊസൈറ്റിക്കാണ് കരാര് നല്കിയിരിക്കുന്നത്. എട്ടുമാസത്തിനുള്ളില് പാലം പൊളിച്ചു പണിയുകയാണ് സര്ക്കാരിന്റെ ലക്ഷ്യം. അതേസമയം നിര്മാണ പ്രവര്ത്തനങ്ങള്ക്കിടെ പാലത്തിന്റെ ഇരുവശത്തു കൂടിയുമുള്ള ഗതാഗതം നിയന്ത്രിക്കില്ല. അണ്ടര് പാസ് വഴിയുള്ള ക്രോസിങ് അനുവദിക്കില്ല. പാലാരിവട്ടം പാലം പൊളിച്ചു പണിയാമെന്ന സുപ്രിംകോടതി വിധിക്ക് പിന്നാലെയാണ് പ്രവര്ത്തികള്ക്ക് തുടക്കമായത്.
നവീകരണ ജോലികള്ക്കിടെ അവശിഷ്ടങ്ങള് തെറിച്ച് റോഡിലേയ്ക്ക് വീഴാതിരിക്കാന് കമ്ബിവല കെട്ടുന്ന പണിയും ഇന്ന് തന്നെ ആരംഭിക്കും. മറ്റന്നാള് മുതല് ഗര്ഡറുകള് പൊളിച്ച് തുടങ്ങും. 18.71 കോടി രൂപയാണ് ചെലവ് കണക്കാക്കിയിരിക്കുന്നത്