വാഷിംഗ്ടണ്; വാക്സിനുകളേക്കാള് നല്ലത് മാസ്കുകളാണെന്ന് സിഡിസി ഡയറക്ടര്. വൈദ്യശാസ്ത്ര ഗവേഷണ സ്ഥാപനമായ അമേരിക്കയിലെ സെന്റര്സ് ഫോര് ഡിസീസ് കണ്ട്രോള് ആന്ഡ് പ്രിവന്ഷന് (സിഡിസി) ഡയറക്ടര് റോബര്ട്ട് റെഡ്ഫീല്ഡ് ആണ് ഇത്തരമൊരു കണ്ടെത്തലുമായി രംഗത്തെത്തിയത്.
വാക്സിനുകള് കോവിഡ് രോഗവ്യാപനവുമായി ബന്ധപ്പെട്ട പ്രശ്നങ്ങള് ഒരു പരിധിവരെ പരിഹരിക്കുമെങ്കിലും ഫെയ്സ് മാസ്കുകളാണ് കൂടുതല് മികച്ച രീതിയില് പ്രവര്ത്തിക്കുകയെന്നും അദ്ദേഹം ചൂണ്ടിക്കാട്ടി.
മാസ്കുകളും വാക്സിനുകളും രണ്ടും വ്യത്യസ്ത സാമഗ്രികളാണ്. അവയുടെ പ്രവര്ത്തനവും വ്യത്യസ്തമാണ്. മാസ്ക് ഉപയോഗം രോഗവ്യാപനത്തെ ഫലപ്രദമായി നിയന്ത്രിക്കുന്നു. വാസ്തവത്തില്, മാസ്കുകള് ഉപയോഗിക്കുന്നത് ഭാവിയില് വാക്സിന് നിര്മ്മാതാക്കളുടെ ജോലി എളുപ്പമാക്കുന്നുവെന്നും സിഡിസി വ്യക്തമാക്കി.
ആദ്യകാല വാക്സിനുകള് സുരക്ഷിതമായിരിക്കില്ല. അനേകം പാര്ശ്വഫലങ്ങളും അപകടസാധ്യതയും വാക്സിനുകള് ഉണ്ടാക്കാനിടയുണ്ട്. അവ ആരോഗ്യ പ്രശ്നങ്ങളും ഉണ്ടാക്കും. വാക്സിനുമായി താരതമ്യപ്പെടുത്തുമ്ബോള്, ഇപ്പോള് ലഭ്യമായ മാസ്കുകള് കൂടുതലും സുരക്ഷിതമാണ്.
ആദ്യമായി പുറത്തിറങ്ങുന്ന വാക്സിനുകളെക്കാള് വിലകുറഞ്ഞതും കൂടുതല് ലാഭകരവുമാണ് മാസ്കുകള് വിതരണം ചെയ്യുന്നതും ഉപയോഗിക്കുന്നതും. ഒരു വാക്സിന്റെ ഫലപ്രാപ്തി പരിശോധിക്കുന്നതിനും സുരക്ഷിതമായി നിര്മ്മിക്കുന്നതിനും കാലതാമസം ഉണ്ടാകും. റോബര്ട്ട് റെഡ്ഫീല്ഡ് പറയുന്നു.
മാസ്ക് ധരിക്കുന്നത് അണുബാധയുണ്ടാകാതിരിക്കുവാനുള്ള ഏറ്റവും സുരക്ഷിതമായ മാര്ഗ്ഗങ്ങളില് ഒന്നാണ്. പ്രായഭേദമന്യേ എല്ലാവരിലും മാസ്കുകള് ഫലപ്രദമാണ്. മാസ്കുകള് ആവശ്യമുള്ളവര്ക്ക് വിതരണം ചെയ്യാനും ഉയര്ന്ന അളവില് ഉല്പാദിപ്പിക്കാനും വളരെ എളുപ്പമാണ്.
നോവല് കൊറോണ വൈറസിനെ തടയാനും അപകടസാധ്യത കുറയ്ക്കുന്നതിനുമുള്ള ഏറ്റവും വലിയ മാര്ഗ്ഗം മാസ്ക് ധരിക്കുക എന്നതാണെന്നും സിഡിസി മാര്ഗ്ഗനിര്ദ്ദേശങ്ങള് സൂചിപ്പിക്കുന്നു.