'സീ യു സൂണ്' എന്ന സിനിമയില് നിന്ന് ലഭിച്ച വരുമാനത്തില് നിന്ന് പത്ത് ലക്ഷം രൂപ ഫെഫ്കയ്ക്ക് കൈമാറി പ്രിയപ്പെട്ട നടന് ഫഹദ് ഫാസിലും
സംവിധായകന് മഹേഷ് നാരായണനും മാതൃകയായി. ഫെഫ്ക ജനറല് സെക്രട്ടറി ബി ഉണ്ണികൃഷ്ണനാണ് തുക ഏറ്റുവാങ്ങിയത്. വറുതിയുടെ, അതിജീവനത്തിന്റെ ഈ കാലത്ത്, സഹജീവികളായ ചലച്ചിത്ര പ്രവര്ത്തകരോട് ഇവര് കാട്ടിയ സ്നേഹത്തിനും ഐക്യദാര്ഡ്യത്തിനും ഉണ്ണികൃഷ്ണന് നന്ദി പറഞ്ഞു.
കോവിഡ് കാലത്ത് 50 പേരടങ്ങുന്ന സംഘം 18 ദിവസം കൊണ്ടാണ് ഈ ചിത്രത്തിന്റെ ഷൂട്ടിങ് പൂര്ത്തിയാക്കിയത്. കോവിഡ് മാനദണ്ഡങ്ങള് പാലിച്ച്, സിനിമാ പ്രവര്ത്തകര് നിരീക്ഷണത്തില് കഴിഞ്ഞ്, ഐ ഫോണും ഗോപ്രോയും ലാപ്ടോപ്പും തുടങ്ങിയ ഉപകരണങ്ങളും ഉപയോഗിച്ചാണ് ഷൂട്ടിംഗ് നടത്തിയത്. ആമസോണ് പ്രൈം വഴി ഒടിടി റിലീസിലൂടെയായിരുന്നു ചിത്രം പ്രേക്ഷകരിലേയ്ക്കെത്തിയത്. ഫഹദ് ഫാസില് തന്നെയായിരുന്നു ചിത്രത്തിന്റെ നിര്മാണവും.