വത്തിക്കാന്: സ്വവര്ഗ വിവാഹിതര്ക്കു വേണ്ടി സിവില് നിയമം വേണമെന്നു ഫ്രാന്സിസ് മാര്പാപ്പ. കത്തോലിക്കാ സഭയുടെയും മാര്പ്പായുടെയും മുന് നിലപാടുകള്ക്ക് വിരുദ്ധമാണ് ഇത്.
സ്വവര്ഗ ബന്ധം പാപമായും വിലക്കപ്പെട്ടതായുമാണ് സഭ എക്കാലവും പഠിപ്പിക്കുന്നത്
'സ്വവര്ഗാനുരാഗികള്ക്ക് കുടുംബത്തിന്റെ ഭാഗമാകാന് അവകാശമുണ്ട്. അവരും ദൈവമക്കളാണ്, അവര്ക്കും കുടുംബത്തിന് അവകാശമുണ്ട്,' ഫ്രാന്സെസ്കോ എന്ന പുതിയ ഡോക്യുമെന്ററിയില് പാപ്പ പറയുന്നു.
ആരെയും പുറത്തേക്ക് തള്ളിക്കളയരുത്. നിസഹായരാക്കി മാറ്റരുത്-റോമില് ഫിലിം ഫെസ്റ്റിവലില് പ്രദര്ശിപ്പിച്ച ഡോക്കുമെന്ററിയില് പാപ്പ പറയുന്നു. അവര്ക്കായി ഒരു സിവില് നിയമമാണ് ഉണ്ടാകേണ്ടത്. അതുവഴി അവര്ക്ക് പരിരക്ഷ കിട്ടും. ഞാന് അതിനായി നിലകൊള്ളുന്നു.
സ്വവര്ഗ ബന്ധത്തിലുലുള്ള രണ്ടു ഇറ്റാലിയന് പുരുഷന്മാരോട് അവരുടെ മക്കളെ ഇടവകംഗങ്ങളായി വളര്ത്താന് മാര്പാപ്പ പ്രേരിപ്പിക്കുന്നതും ചിത്രത്തിലുണ്ട്.
2010 ല് ബ്യൂണസ് അയേഴ്സിന്റെ ആര്ച്ച് ബിഷപ്പായിരിക്കെ ഫ്രാന്സിസ് മാര്പാപ്പ സ്വവര്ഗ വിവാഹം നിയമവിധേയമാക്കാനുള്ള ശ്രമങ്ങളെ എതിര്ത്തിരുന്നു.
''പോപ്പ് ഇത്രയും വ്യക്തമായ പ്രസ്താവന നടത്തുന്നത് ഇതാദ്യമാണ്,'' എല്ജിബിടി അംഗങ്ങളെ കൂടുതല് പരസ്യമായി സ്വാഗതം ചെയ്യാന് ാദിച്ച പ്രമുഖ ജെസ്യൂട്ട് റവ. ജെയിംസ് മാര്ട്ടിന് വാഷിംഗ്ടണ് പോസ്റ്റിനോട് പറഞ്ഞു.
''ഇത് ഒരു വലിയ മുന്നേറ്റമാണെന്ന് ഞാന് കരുതുന്നു. മുന്കാലങ്ങളില്, സഭയുടെ പല ഭാഗങ്ങളിലും സിവില് യൂണിയനുകള് പോലും എതിര്ക്കപ്പെട്ടിരുന്നു.'
എന്തായാലും സഭയില് ഇത് വലിയ കോളിളക്കം സ്രുഷ്ടിക്കും. സ്വവര്ഗാനുരാഗികളെ ആദരിക്കണമെന്നും എന്നാല് അത് സ്വവര്ഗ ബന്ധത്തെ അനുകൂലിക്കുകയല്ലെന്നും ജോണ് പോള് രണ്ടാമന് മാര്പാപ പഠിപ്പിക്കുകയുണ്ടായി.