പാലക്കാട്: വാളയാര് പീഡനക്കേസിലെ പ്രതികളായ വി. മധു, ഷിബു എന്നിവരെ കോടതി റിമാന്ഡ് ചെയ്തു. പാലക്കാട് പോക്സോ കോടതിയാണ് ഇരുവരെയും റിമാന്ഡ് ചെയ്തത്.
മധുവിന്റെയും ഷിബുവിന്റെയും ജാമ്യാപേക്ഷ കോടതി ജനുവരി 22ന് പരിഗണിക്കും. കേസിലെ മറ്റൊരു പ്രതിയായ എം. മധു ജാമ്യത്തില് തന്നെ തുടരും. ഹൈക്കോടതി ജാമ്യം അനുവദിച്ചതിനെ തുടര്ന്നാണ് മധു ജാമ്യത്തില് തന്നെ തുടരുന്നത്.
കേസില് തുടരന്വേഷണം ആവശ്യപെട്ട് പ്രത്യേക അന്വേഷണ സംഘം പാലക്കാട് പോക്സോ കോടതില് അപേക്ഷ സമര്പ്പിച്ചിരുന്നു. ഹൈക്കോടതി ഉത്തരവിനെ തുടര്ന്നാണ് കോടതിയില് പുനര്വിചാരണ ആരംഭിക്കുന്നത്.
തെളിവുകളുടെ അഭാവത്തിലാണ് പാലക്കാട് പോക്സോ കോടതി പ്രതികളെ വെറുതെ വിട്ടത്. എന്നാല് ഈ വിധി റദ്ദാക്കിയ ഹൈക്കോടതി കേസ് പുനര്വിചാരണ നടത്താന് വിചാരണ കോടതിക്ക് ഉത്തരവ് നല്കുകയായിരുന്നു. കേസിലെ മൂന്നാം പ്രതി പ്രദീപ് കുമാര് ആത്മഹത്യ ചെയ്തിരുന്നു