തിരുവനന്തപുരം: മല്‍സ്യബന്ധന മേഖലയിലെ മണ്ണെണ്ണ ക്ഷാമം പരിഹരിക്കാന്‍ പ്രത്യേക പദ്ധതി തയ്യാറാക്കി കേന്ദ്രത്തിന് സമര്‍പ്പിക്കുമെന്ന് മന്ത്രി കെ.ബാബു. ഇതിനായി നവംബര്‍ മാസത്തില്‍ ഈ മേഖലയില്‍ പ്രത്യേക സര്‍വേ നടത്തുമെന്നും ബാബു നിയമസഭയില്‍ പറഞ്ഞു. ചെത്തു തൊഴിലാളി സംഘടനകള്‍ സഹകരിച്ചാല്‍ കള്ളില്‍ നിന്ന് നീര ഉല്‍പാദിപ്പിക്കുന്നതിന് ഉടന്‍ ലൈസന്‍സ് നല്‍കാന്‍ സര്‍ക്കാര്‍ തയാറാണെന്നും കെ.ബാബു പറഞ്ഞു.