തിരുവനന്തപുരം: മന്ത്രി
കെ.ബി.ഗണേഷ്കുമാറിനെതിരെ സര്ക്കാര് ചീഫ് വിപ്പ് പി.സി.ജോര്ജ്
മുഖ്യമന്ത്രി ഉമ്മന് ചാണ്ടിക്ക് കത്തു നല്കി. ഗണേഷ്കുമാര് മോശം
സ്വഭാവക്കാരനാണെന്നും ഗണേഷിന്റെ സ്വഭാവദൂഷ്യത്തിന്റെ ജീവിക്കുന്ന
തെളിവുകള് ഹാജരാക്കാമെന്നും ജോര്ജ് കത്തില് വ്യക്തമാക്കിയിട്ടുണ്ട്.
തെളിവുകള് യുഡിഎഫ് യോഗത്തില് ഹാജരാക്കുമെന്നും ജോര്ജ് കത്തില്
പറയുന്നു.
സിപിഎം കണ്ണൂര് ലോബിക്കൊപ്പം ചേര്ന്ന് ഗണേഷ് തന്നെ കുടുക്കാന്
ശ്രമിക്കുകയാണെന്നും പി.സി.ജോര്ജ് കത്തില് ആരോപിച്ചിട്ടുണ്ട്.
നെല്ലിയാമ്പതി എസ്റ്റേറ്റ് ഏറ്റെടുക്കല് പ്രശ്നത്തില് ഗണേഷും ജോര്ജും
പരസ്പരം ആരോപണങ്ങളുമായി രംഗത്തുവന്നിരുന്നു. ഈ പശ്ചാത്തലത്തിലാണ്
ഗണേഷിനെതിരെ ജോര്ജ് മുഖ്യമന്ത്രിക്ക് കത്തുനല്കിയത്.
അഞ്ചുപേജുള്ള കത്തിന്റെ കോപ്പി യുഡിഎഫ് കണ്വീനര്ക്കും നല്കിയിട്ടുണ്ട്.
കേരളാ കോണ്ഗ്രസ് ചെയര്മാന് കെ.എം.മാണിയുടെ അറിവോടെയാണ് കത്ത്
നല്കുന്നതെന്നും കേരളാ കോണ്ഗ്രസ് വൈസ് ചെയര്മാന് കൂടിയായ പി.സി.ജോര്ജ്
കത്തില് വ്യക്തമാക്കുന്നുണ്ട്.
മലയാളത്തില് ടൈപ്പ് ചെയ്യാന് ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്ത്തികരവുമായ പരാമര്ശങ്ങള് പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര് നിയമപ്രകാരം കുറ്റകരമാണ്. അഭിപ്രായങ്ങള് എഴുതുന്നയാളുടേത് മാത്രമാണ്. ഇ-മലയാളിയുടേതല്ല