വീരഭദ്ര സിംഗ് കോണ്‍ഗ്രസ് അംഗത്വം രാജിവെച്ചു
Published on 27 July, 2012
ഷിംല: അഴിമതിക്കേസില്‍ കുറ്റാരോപിതനായ മുന്‍കേന്ദ്രമന്ത്രി വീരഭദ്ര സിംഗ് കോണ്‍ഗ്രസ് പ്രാഥമിക അംഗത്വം രാജിവെച്ചു.
ഹിമാചല്‍പ്രദേശ് തെരഞ്ഞെടുപ്പിനുള്ള സ്ഥാനാര്‍ഥി നിര്‍ണയ പാനല്‍ അധ്യക്ഷയായി ഡല്‍ഹി മുഖ്യമന്ത്രി ഷീല ദീക്ഷിതിനെ പാര്‍ട്ടി നേതൃത്വം നിയോഗിച്ചതില്‍ പ്രതിഷേധിച്ചാണ് മുന്‍ ഹിമാചല്‍ മുഖ്യമന്ത്രി കൂടിയായ വീരഭദ്രസിംഗിന്റെ രാജി. രാജിക്കത്തു കോണ്‍ഗ്രസ് അധ്യക്ഷ സോണിയ ഗാന്ധിക്ക് അയച്ചു. എന്നാല്‍ നേതൃത്വം രാജി സ്വീകരിച്ചിട്ടില്ല. പിസിസി യോഗത്തില്‍ വിട്ടുനില്‍ക്കുമെന്നും അദ്ദേഹം അറിയിച്ചിട്ടുണ്ട്.
ജൂണ്‍ 26-നാണു കേന്ദ്ര ചെറുകിട വ്യവസായ മന്ത്രിസ്ഥാനം വീരഭദ്ര സിംഗ് രാജിവച്ചത്. അദ്ദേഹത്തിനും ഭാര്യയ്ക്കുമെതിരായ അഴിമതിക്കേസില്‍ ഹിമാചല്‍ കോടതി കുറ്റം ചുമത്തിയതിനെത്തുടര്‍ന്നാണ് രാജി. മുഖ്യമന്ത്രിയായിരിക്കെ അഴിമതി നടത്തിയെന്നാണ് കേസ്.
Facebook Comments
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala