തിരുവനന്തപുരം: മുഖ്യമന്ത്രി ഉമ്മന്‍ ചാണ്ടിയും കെപിസിസി അധ്യക്ഷന്‍ രമേശ്‌ ചെന്നിത്തലയും നാളെ നടത്താനിരുന്ന ഡല്‍ഹി യാത്ര മാറ്റിവച്ചു. കൊച്ചി മെട്രോയുമായി ബന്ധപ്പെട്ട ചര്‍ച്ചകള്‍ക്കായിരുന്നു മുഖ്യമന്ത്രി നാളെ ഡല്‍ഹിയില്‍ എത്താനിരുന്നത്‌. എന്നാല്‍ കേന്ദ്ര നഗരവികസനമന്ത്രി കമല്‍നാഥ്‌ മറ്റെന്നാള്‍ വരെ വിദേശ പര്യടനത്തിലാണ്‌. ഈ സാഹചര്യത്തിലാണ്‌ മുഖ്യമന്ത്രിയുടെ യാത്ര മാറ്റിയത്‌.

കെപിസിസി പുനഃസംഘടനയുമായി ബന്ധപ്പെട്ട ചര്‍ച്ചകള്‍ക്കായിരുന്നു ചെന്നിത്തല ഡല്‍ഹിക്ക്‌ തിരിക്കാനിരുന്നത്‌. കോണ്‍ഗ്രസ്‌ അധ്യക്ഷ സോണിയ ഗാന്ധി മണ്ഡലമായ റായ്‌ ബറേലിയില്‍ സന്ദര്‍ശനത്തിലായ സാഹചര്യത്തിലാണ്‌ ചെന്നിത്തലയുടെ യാത്ര മാറ്റിയത്‌.