Image

ഫൊക്കാന ട്രഷറര്‍: ജോയി ഇട്ടന് 30-ല്‍ പരം അസോസിയേഷനുകളുടെ പിന്തുണ

Published on 04 June, 2014
ഫൊക്കാന ട്രഷറര്‍: ജോയി ഇട്ടന് 30-ല്‍ പരം അസോസിയേഷനുകളുടെ പിന്തുണ
ന്യൂയോര്‍ക്ക്: ഫൊക്കാനയുടെ 2014-16 വര്‍ഷത്തെ ട്രഷറര്‍ സ്ഥാനാര്‍ത്ഥിയായ ജോയി ഇട്ടന് 30-ല്‍ പരം അസോസിയേഷനുകളുടെ
പിന്തുണ ലഭിച്ചതായി വെസ്റ്റ് ചെസ്റ്റര്‍ മലയാളി അസോസിയേഷന്‍ പത്രക്കുറിപ്പില്‍ അറിയിച്ചു.

രണ്ട് ദശാബ്ദമായി ന്യൂയോര്‍ക്കിലെ കലാസാംസ്‌കാരിക, സാമൂഹിക രംഗങ്ങളില്‍ തിളങ്ങി നില്ക്കുന്ന ജോയി ഇട്ടന്‍ 2014 ജൂലൈയില്‍ ചിക്കാഗോയില്‍ വച്ചു നടക്കുന്ന ഫൊക്കാന കണ്‍വെന്‍ഷന്റെ നാഷണല്‍ കോഓര്‍ഡിനേറ്ററും, വെസ്റ്റ് ചെസ്റ്റര്‍ മലയാളി അസോസിയേഷന്‍ മുന്‍ പ്രസിഡന്റും കൂടിയാണ്.

വിദ്യാര്‍ത്ഥിയായിരിക്കുമ്പോള്‍ കെ.എസ്.യു പ്രസ്ഥാനത്തിലൂടെ വളര്‍ന്ന് രാഷ്ട്രീയ രംഗത്ത് എത്തിയ അദ്ദേഹം കേരള യൂണിവേഴ്‌സിറ്റി യൂണിയന്‍ കൗണ്‍സിലര്‍, കെ.എസ്.യു സംസ്ഥാന സെക്രട്ടറി, യൂത്ത് കോണ്‍ഗ്രസ് എറണാകുളം ജില്ലാ ജനറല്‍ സെക്രട്ടറി, കെ.പി.സി.സി മെംബര്‍, വവിധ ട്രേഡ് യൂണിയനുകളുടെ പ്രസിഡന്റ്, മലങ്കര സിറിയന്‍ യാക്കോബായ സെന്റര്‍ ഓഫ് നോര്‍ത്ത് അമേരിക്കയുടെ ജനറല്‍ സെക്രട്ടറി, യോങ്കേഴ്‌സ് സെന്റ് ജോണ്‍സ് യാക്കോബായ ചര്‍ച്ച് മുന്‍ ട്രസ്റ്റീ എന്നീ നിലകളില്‍ പ്രവര്‍ത്തിച്ചു.
ഇപ്പോള്‍ യോങ്കേഴ്‌സിലുള്ള സെന്റ് ജോണ്‍സ് യാക്കോബായ ചര്‍ച്ച് മാനേജിങ് കമ്മിറ്റി മെംബര്‍, സിറിയന്‍ മലങ്കര യാക്കോബായ ആര്‍ച്ച് ഡയോസിസ് ഭദ്രാസന കൗണ്‍സില്‍ മെമ്പര്‍, ഐ.എന്‍. ഒ.സി ന്യൂയോര്‍ക്ക് ചാപ്റ്റര്‍ സെക്രട്ടറി, മലങ്കര ടി.വി കോഓര്‍ഡിനേറ്റര്‍ എന്നീ നിലകളില്‍ പ്രവര്‍ത്തിച്ചുകൊണ്ടിരിക്കുന്നു.

സ്ഥാനം ലഭിച്ചാല്‍ അതിന്റേതായ ഉത്തരവാദിത്വത്തോടും കര്‍ത്തവ്യ ബോധത്തോടും കൂടി കാത്തു സൂക്ഷിക്കുമെന്നും ജനോപകാരപ്രദമായ പ്രവര്‍ത്തനങ്ങളില്‍ കൂടി ഫൊക്കാനയുടെ വിജയത്തിനായി തന്നാലാവുംവിധം പ്രവര്‍ത്തിക്കുമെന്നും അദ്ദേഹം ഉറപ്പുനല്‍കി.

വാഗ്മിയും കഴിവുറ്റ സംഘാടകനും കൂടിയായ അദ്ദേഹത്തിന്റെ പ്രവര്‍ത്തന മികവ് പല മേഖലകളിലും ഇതിനോടകം തെളിയിച്ചിട്ടുള്ളതാണ്. ജോയി ഇട്ടന്‍ എന്തുകൊണ്ടും ഫൊക്കാന നാഷണല്‍ ട്രഷറര്‍ സ്ഥാനാര്‍ത്ഥിത്വത്തിന് യോഗ്യനാണെന്ന് വെസ്റ്റ് ചെസ്റ്റമലയാളി അസോസിയേഷന്‍ ഒരു പത്രക്കുറിപ്പില്‍ അറിയിച്ചു.
ഫൊക്കാന ട്രഷറര്‍: ജോയി ഇട്ടന് 30-ല്‍ പരം അസോസിയേഷനുകളുടെ പിന്തുണ
Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക