മതങ്ങളിലും ദൈവത്തിലും വിശ്വാസമില്ലാത്തവരുടെ എണ്ണം കൂടി വരുകയാണ്. അതിനു കാരണം മതങ്ങൾ തന്നെയാണ്. ഇന്ന് ലോകത്ത് നടമാടുന്ന അക്രമത്തിനും അനീതിക്കും പിന്നിൽ മതങ്ങളുണ്ട് എന്നതിന് സംശയമില്ല.  ക്രൈസ്തവ മതം, ഹിന്ദുമതം, മഹമ്മദീയ മതം ഇവരെല്ലാം ഇക്കാര്യത്തിൽ തുല്യപങ്കാളികളാണ്. ക്രിസ്തവ മതവിശ്വാസത്തെ തകർക്കാനായി ചിലർ കരുതികൂട്ടി ചെയ്യുന്നതാണ് ഇതെല്ലം എന്ന് മാത്തുള്ള പറയുന്നതിന്റെ പിന്നിൽ ആൻഡ്രുസ് പറഞ്ഞ 'ഭയം' ഒളിഞ്ഞിരിപ്പുണ്ട്.  അതുമാറ്റിക്കഴിഞ്ഞാൽ ഓരോ മതവും ഈ ലോകത്തു നടത്തുന്ന കൊള്ളയും കൊലയും മനസിലാക്കാൻ കഴിയും. മനുഷ്യന്റെ പ്രശനങ്ങളെ സ്നേഹത്തോടും കാരുണ്യത്തോടും കാണാൻ കഴിയാത്ത ഒരു മതത്തിനും നിലനിൽപ്പില്ല. എല്ലാ മതത്തിന്റെയും അടിസ്ഥാന തത്വം സ്നേഹവും കരുണയുമൊക്കെയാണെങ്കിൽ തന്നെ, അത് പാലിച്ചുപോകുന്നതിൽ എല്ലാ മതവും പരാജയപെട്ടിരിക്കുന്നു.
ദൈവ ഭയമെന്ന പഴയ ചിന്തകളെ ദൈവ സ്നേഹകൊണ്ട് തിരുത്തി എഴുതിയ യേശുവും, സ്നേഹമാണ് അഖിലസാരമൂഴിയിൽ എന്ന് പാടിയ കവിയുമൊക്കെ ഒരു മതത്തിന്റയും വാക്താക്കൾ അല്ലായിരുന്നു.
മാത്തുള്ള മിക്കവാറും ക്രിസ്തുമതമാണ് വലുത് ക്രിസ്തുവാണ് ദൈവം എന്നൊക്കെ ഉറച്ചു വിശ്വസിക്കുന്നത്കൊണ്ട് മറ്റു മതക്കാരെ ഉൾക്കൊള്ളാൻ കഴിയാതെ പോകുന്നു. അതുതന്നെ നിങ്ങൾ ആർക്കുവേണ്ടി യുദ്ധം ചെയ്യുന്നോ ആ ആളുടെ ദൗത്യത്തെ പരാജയപ്പെടുത്തുകയാണ്. ചരിത്രം പഠിച്ചിട്ടുള്ളവർക്കറിയാം യേശു എന്ന ആ ആചാര്യന് മതമെന്നൊന്നില്ലായിരുന്നു നേരെമറിച്ച് മനുഷ്യരായിരുന്നു മുന്നിൽ. മതമേതായാലും മനുഷ്യൻ നന്നായാൽ മതിയെന്ന് പാടിയ ശ്രീനാരായണഗുരുവും ബുദ്ധനും ഹൈന്ദവ കഥാപാത്രങ്ങളും ഒന്ന് മാത്രമേ എടുത്തുകാണിച്ചുള്ളൂ അത് എല്ലാ മത ഭിന്നിപ്പുകളെയും മാറ്റി ഒന്നാകുന്ന സ്നേഹം.  അതെ സ്നേഹമാണഖില സാരമൂഴിയിൽ