ദുബായ് : ചെക്ക് കേസില് ദുബായ് ജയിലില് കഴിയുന്ന
പ്രമുഖ വ്യവസായി അറ്റ്ലസ് രാമചന്ദ്രന് ഉടന് മോചിതനായേക്കും. കേസുകള് നല്കിയ
ഭൂരിപക്ഷം ബാങ്കുകളും ഒത്തു തീര്പ്പിനു തയ്യാറായതോടെയാണ് രാമചന്ദ്രന്റെ മോചനം
സാധ്യമാകുന്നത്.
ബാങ്ക് വായ്പകളുടെ തിരിച്ചടവ് മുടങ്ങുകയും ചെക്കുകള്
മടങ്ങുകയും ചെയ്തതിനെത്തുടര്ന്ന് ബാങ്കുകള് നല്കിയ പരാതിയില് 2015 ഓഗസ്റ്റ്
23നാണ് അറ്റ്ലസ് രാമചന്ദ്രനെ ദുബായ് പൊലീസ് അറസ്റ്റ് ചെയ്തത്.
ദുബായിലെ
റിഫ, ബര്ദുബായി, നായിഫ് എന്നീ പൊലീസ് സ്റ്റേഷനുകളില് ലഭിച്ച പരാതിയെ
തുടര്ന്നായിരുന്നു അറസ്റ്റ്.
പതിനഞ്ചിലേറെ ബാങ്കുകളില്നിന്നാണ്
അറ്റ്ലസ് ഗ്രൂപ്പ് 550 ദശലക്ഷം ദിര്ഹം (ആയിരം കോടിയോളം രൂപ)
വായ്പയെടുത്തിരുന്നത്. അഞ്ചു കോടി ദിര്ഹത്തിന്റെ ചെക്കുകള് മടങ്ങിയതുമായി
ബന്ധപ്പെട്ട് ആറു കേസുകളാണു ദുബായിലുള്ളത്.