കൊച്ചി: മലയാള സംഗീത ഇന്‍ഡസ്‌ട്രിയിലെ പ്രമുഖ മ്യൂസിക്‌ ലേബലായ മ്യൂസിക്‌247, സച്ചിന്‍ വാരിയര്‍ ആലപിച്ച `കനവെ കലയാതെ` എന്ന റൊമാന്റിക്‌ തമിഴ്‌ മ്യൂസിക്‌ വീഡിയോ റിലീസ്‌ ചെയ്‌തു. ഈ ശ്രുതിമധുരമായ ഗാനത്തിന്‌ ഈണം പകര്‍ന്നിരിക്കുന്നത്‌ അബീ ജോയാണ്‌. മഗേശ്വരന്‍ വരികള്‍ രചിച്ചിരിക്കുന്നു.

ലിയോണ്‍ പൗലോസ്‌, ശ്വേതാ രാജ്‌, ആകാശ്‌ തോമസ്‌, നീതുകൃഷ്‌ണ വി ആര്‍, ക്രിസ്റ്റി വാഴപ്പിള്ളി, അല്‍ത്താഫ്‌ എന്നിവര്‍ അഭിനയിച്ച ഈ വീഡിയോ പ്രേക്ഷകരിലേക്ക്‌ തീവ്രമായ അനുരാഗത്തിന്റെ അനുഭവം പകരുകയും സത്യമായ പ്രണയമുണ്ടാകുന്നത്‌ മറ്റൊരാളുടെ സന്തോഷം നമ്മുടെ സ്വപ്‌നങ്ങളായി മാറുമ്പോഴാണ്‌ എന്ന തിരിച്ചറിവിലേയ്‌ക്ക്‌ എത്തിക്കുകയും ചെയ്യുന്നു.

ഡീന്‍ ഷിഫാസും ആഷിത്‌ വില്‍സണും ചേര്‍ന്ന്‌ സംവിധാനവും അബീ ജോ, ഡീന്‍ ഷിഫാസ്‌ എന്നിവര്‍ സംയുക്തമായി ഛായാഗ്രഹണവും ആഷിത്‌ വില്‍സണ്‍ ചിത്രസംയോജനവും നിര്‍വഹിച്ചിരിക്കുന്നു. നിധിന്‍ഷാ ആണ്‌ ഈ മ്യൂസിക്‌ വീഡിയോ നിര്‍മിച്ചിരിക്കുന്നത്‌.

`കനവെ കലയാതെ` ഒഫീഷ്യല്‍ വീഡിയോ മ്യൂസിക്‌247ന്റെ യൂട്യൂബ്‌ ചാനലില്‍ കാണാന്‍: https://www.youtube.com/watch?v=ypdE4lU4oIQ


മ്യൂസിക്‌247നെ കുറിച്ച്‌: