ഞാന് കടന്നു പോയാല്
ഞാനിട്ട പോസ്റ്റുകള്
കല്ലറകളായിത്തീര്ന്നിരിക്കും
അവയോരോന്നിലും എന്റെ
മജ്ജയും മാംസവും
മണ്ണായിത്തീര്ന്നിട്ടുണ്ടാകും.
പെട്ടിയിലടക്കുവാനാകാതെ
എന്റെ ജീവിതവും എന്റെ
വികാരഭൂമിയുമുണ്ടാകും.
ലൈക്കുകളും കമ്മന്റുകളും
പൂക്കളും പുല്നാമ്പുകളുമായി
തളിര്ത്തിട്ടുണ്ടായിരിക്കും.
കല്ലറകള് നിനക്ക് വേണ്ടിയെന്ന്
നിന്റെ ജഡം പോലും ഒരിക്കലും
അറിഞ്ഞിട്ടുണ്ടായിരിക്കുകയില്ല.
ഈ കല്ലറളിലൊന്നിലും നിന്റെ
പേരോ പ്രണയമോ ആലേഖനം
ചെയ്തിട്ടുണ്ടാവില്ല.
ഇനിയൊരു ശവമഞ്ചത്തിനും കടന്നു
വരാനാകാത്ത വിധം സെമിത്തേരി
ഈ നഗരത്തിനു പുറത്തായിരിക്കും.