ഗ്രേപ്പ് വൈന്(ടെക്സസ്): നിയമ വിരുദ്ധ കുടിയേറ്റക്കാരെ കണ്ടെത്തുന്നതിനുള്ള തീവ്രശ്രമത്തില് യു.എസ്. ഇമിഗ്രേഷന് ആന്റ് കസ്റ്റംസ് എന്ഫോഴ്സ്മെന്റ്(ഐസ്) പ്രതിജ്ഞാബദ്ധമാണെന്ന് ആക്ടിംഗ് ഡയറക്ടര് തോമസ് ഹോമന് പ്രഖ്യാപിച്ചു. പ്രസിഡന്റ് ഡൊണാള്ഡ് ട്രമ്പ് ഇതിന് വലിയ പ്രാധാന്യം കല്പിച്ചു വരികയാണ്. 1986 ലെ കുടിയേറ്റ നിയമത്തില് നിയമ വിരുദ്ധ കുടിയേറ്റക്കാര്ക്ക് ജോലി നല്കുന്ന സ്ഥാപന ഉടമകള് നേരിടേണ്ട ശിക്ഷാനടപടികള് വിവരിക്കുന്നുണ്ടെങ്കിലും ഇതുവരെ കര്ശനമായി നടപ്പാക്കുവാന് ശ്രമിച്ചിരുന്നില്ലെന്ന് ഹോമന് പറഞ്ഞു. നോര്ത്ത് ടെക്സസിലെ ഗ്രേപ്പ് വൈനില് ഷെരീഫ്സ് അസോസിയേഷന് ഓഫ് ടെക്സസിന്റെ സമ്മേളനത്തില് മുഖ്യാതിഥിയായി സംബന്ധിക്കുവാനാണ് ഹോമന് എത്തിയത്.
തൊഴില് ദാതാക്കളെ കര്ശനമായി നിരീക്ഷിക്കുകയും നിയമ വിരുദ്ധകുടിയേറ്റക്കാര്ക്ക് തൊഴില് നല്കുന്നവര് രക്ഷപ്പെടാന് അനുവദിക്കാതിരിക്കുവാനുമാണ് ഐസ് ശ്രദ്ധിക്കുന്നത്. നടപ്പ് സാമ്പത്തിക വര്ഷത്തിലെ ആദ്യ ഒന്പത് മാസത്തിനുള്ളില് 32 തൊഴില് ദാതാക്കളെ ശിക്ഷിച്ചു. 2016 സാമ്പത്തിക വര്ഷത്തില് 12 മാസത്തില് മൊത്തം 49 പേരെ മാത്രമേ ശിക്ഷിച്ചുള്ളൂ. അക്രോണ്, ഒഹായോവില് ഒരു റെസ്റ്റോറന്റ് നടത്തിയിരുന്ന ഒരു ചൈനക്കാരനെ ഡിപ്പാര്ട്ടുമെന്റ് ഓഫ് ജസ്റ്റീസ് 18 മാസത്തെ ജയില് ശിക്ഷ നല്കി, തുടര്ന്ന് നാടുകടത്തുകയും ചെയ്യും. നിയമവിരുദ്ധമായി അമേരിക്കയില് എത്തിയവരെ സംരക്ഷിക്കുകയും അവര്ക്ക് തൊഴില് നല്കുകയും ചെയ്തതാണ് കുറ്റം.
ഒരു വിട്ടുവീഴ്ചയും ഇല്ലാതെ നമ്മള് നിയമം നടപ്പാക്കുമെന്ന് പ്രസിഡന്റ് ട്രമ്പ് വ്യക്തമാക്കിയിട്ടുണ്ട്. അദ്ദേഹം സത്യസന്ധനും നേരുള്ള വ്യക്തിയുമാണ്. ഐസ് ഏജന്റുമാര്ക്കുണ്ടായിരുന്ന കൈ വിലങ്ങ് അദ്ദേഹം അഴിച്ചു മാറ്റി, ഹോമന് ട്രമ്പിനെ പ്രശംസിച്ചു. കഴിഞ്ഞ ആഴ്ച ഐസ് 650 പേരെ അറസ്റ്റ് ചെയ്തു. ഇത് ഓപ്പറേഷന് ബോര്ഡര് ഗ്വാര്ഡിയന് അഥവാ ബോര്ഡര് റിസോള്വിന്റെ രണ്ടാം ഘട്ടം ആയിരുന്നു. ഇവരില് 70% ത്തിനെ മാത്രമാണ് അറസ്റ്റു ചെയ്യുവാന് നിയമ പാലകര് എത്തിയത്. മറ്റുള്ളവരെ ആസ്ഥലത്ത് കണ്ടെത്തുകയായിരുന്നു. ഉദ്ദേശിച്ചവരെ അറസ്റ്റ് ചെയ്യുവാന് എത്തിയത് ഫെഡറല് ജഡ്ജിന്റെ നിര്ദ്ദേശം അനുസരിച്ചാണ്. ഇവര് മദ്ധ്യ അമേരിക്കയില് നിന്ന് 2014 ലും 2016 ലും നിയമ വിരുദ്ധമായി രാജ്യത്തിനുള്ളില് കടന്നവരാണ്. ഇവരില് 130 പേരെ കുറ്റകൃത്യങ്ങള്ക്ക് ശിക്ഷിച്ചിട്ടുള്ളതാണ്.
നോര്ത്ത് ടെക്സസ് മേഖലയില് 32 അറസ്റ്റുണ്ടായി. അറസ്റ്റ് ചെയ്യപ്പെട്ടവരില് 17 പേര് അധിജാമ്യക്കാരാണ്(കൊലാറ്ററല്സ്). ഇവര്ക്ക് ക്രിമിനല് പശ്ചാത്തലമുണ്ട്. ഐസ് ഇതേ വഴി തന്നെ സഞ്ചരിക്കും. അമേരിക്കയില് ഏകദേശം 1 കോടി 10 ലക്ഷം നിയമവിരുദ്ധ കുടിയേറ്റക്കാരുണ്ട്. ഇവിടേയ്ക്ക് കുടിയേറ്റക്കാരെ അയച്ചുകൊണ്ടിരുന്ന ഏറ്റവും വലിയ രാജ്യം മെക്സിക്കോയില് നിന്നുള്ള ഒഴുക്ക് ഇപ്പോള് നിലച്ചിരിക്കുകയാണ്. കഴിഞ്ഞ 6 മാസത്തിനുള്ളില്(ട്രമ്പ് അധികാരമേറ്റതിന് ശേഷം) ഐസ് 66,000 അറസ്റ്റുകള് നടത്തി. കഴിഞ്ഞ വര്ഷത്തെ ഇതേ കാലയളവിനെക്കാള് 40% അധികം അറസ്റ്റു ചെയ്യപ്പെട്ടവരില് 72% ന് ക്രിമിനല് ശിക്ഷകള് നല്കിയിട്ടുള്ളതാണ്. ക്രിമിനല് പശ്ചാത്തലമുള്ള കുടിയേറ്റക്കാരെ തടഞ്ഞു വെയ്ക്കുവാന് ഐസിന് അധികാരം നല്കുന്ന നിയമഭേദഗതി ട്രമ്പ് പുറപ്പെടുവിച്ചിട്ടുണ്ട്. ഒബാമ ഭരണത്തിന്റെ അവസാനവര്ഷങ്ങളിലെ നിയമം കുറ്റകൃത്യങ്ങള്ക്ക് ശിക്ഷിച്ചിട്ടുള്ളവരെ മാത്രം തടഞ്ഞു വയ്ക്കാം എന്നായിരുന്നു.
ടെക്സസില് ട്രാവിസ് കൗണ്ടി മാത്രമാണ് തടഞ്ഞു വയ്ക്കണം എന്ന ഐസിന്റെ നിര്ദ്ദേശം പാലിക്കാത്തത് എന്ന് ഹോമന് പറഞ്ഞു. ഡെമോക്രാറ്റായ കൗണ്ടി ഷെരീഫ് സാലി ഹെര്ണാണ്ടസിനെ ഇക്കാര്യത്തില് റിപ്പബ്ലിക്കന് ഗവര്ണ്ണര് ഗ്രെഗ് ആബട്ട് വിമര്ശിച്ചിട്ടുണ്ട്. നിയമത്തിലെ 287 വകുപ്പാണ് (ഉപവകുപ്പ് ജി) കൗണ്ടി പാലിക്കുന്നില്ല എന്നാരോപിക്കപ്പെടുന്നത്.
President Trump s successful six months, now illegals and their cheap employers open their eyes. Still, dump democrats don't see real change- Greater America, jobs for the qualified a motivating environment.
Oops, he did it again.
President Donald Trump was so excited by the good news in Friday's jobs report that he jumped the gun to tweet about it, violating a federal rule that requires an hour between when a report is released, and when federal officials can comment on the numbers.
209k new jobs in July
Unemployment rate at 16 yr low