ചിക്കാഗോ: ചിക്കാഗോ ക്നാനായ കാത്തലിക് സൊസൈറ്റി വര്ഷം തോറും നടത്താറുള്ള കെ സി എസ് യുവജനോത്സവം സെപ്റ്റംബര് 23-ാം തിയ്യതി ക്നാനായ കമ്മ്യൂണിറ്റി സെന്ററില് വച്ച് നടത്തപ്പെടും. ശനിയാഴ്ച രാവിലെ 9 മണിക്ക് കെ സി എസ് പ്രസിഡന്റ് ബിനു പൂത്തുറയുടെ അദ്ധ്യക്ഷതയില് യുവജനോത്സവത്തിന് തിരി തെളിയും. വിവിധ ഇനങ്ങളിലായി നടക്കുന്ന കലാമത്സരങ്ങളില് 400 ല് പരം കുട്ടികള് പങ്കെടുക്കുമെന്ന് കെ സി എസ് എന്റര്റ്റൈന്മെന്റ് കമ്മിറ്റി ചെയര്മാന് ജോബി ഓളിയില് പറയുകയുണ്ടായി. ഈ വര്ഷം ക്നാനായ തനിമക്കും പാരമ്പര്യങ്ങള്ക്കും കൂടുതല് ഊന്നല് കൊടുത്തുകൊണ്ടുള്ള മത്സരങ്ങളും യുവജനോത്സവത്തില് ഉള്പ്പെടുത്തിയിട്ടുണ്ട്. സാജു കണ്ണമ്പള്ളി, ജോണിക്കുട്ടി പിള്ളവീട്ടില്, ഷിബു മുളയാനികുന്നേല്,ഡിബിന് വിലങ്ങുകല്ലേല്, എന്നിവര് ക്രമീകരണങ്ങള്ക്ക് നേതൃത്വം നല്കും. ചിക്കാഗോ കെ സി എസ് പുതു തലമുറക്കായി ചെയ്യുന്ന ഈ യുവജനോത്സവത്തിന്റെ മത്സര ഇനങ്ങള്, മത്സരങ്ങള് സംബന്ധിച്ചുള്ള എല്ലാ ചോദ്യങ്ങള്ക്കും എന്റര്റ്റൈന്മെന്റ് കമ്മറ്റി മെമ്പേര്സുമായി താഴെ കൊടുത്തിരുന്ന ഫോണ് നമ്പറില് ബന്ധപ്പെടാവുന്നതാണ്. ജോബി ഓളിയില് (630 487 0415) ഡെന്നി പുല്ലാപള്ളില് (847 644 9418) സജി മാലിതുരുത്തേല് (630 479 0035)