ചാലക്കുടി: റിയല് എസ്റ്റേറ്റ് ബ്രോക്കര് രാജീവ് കൊല്ലപ്പെട്ട കേസിലെ
മുഖ്യപ്രതി ജോണി (ചക്കര ജോണി) പിടിയിലായി. ഇയാള്ക്കൊപ്പം കൂട്ടാളി രഞ്ജിത്തും
പിടിയിലായിട്ടുണ്ട്. പാലക്കാട്ടുനിന്ന് ഞായറാഴ്ച രാത്രിയാണ് ഇരുവരും
പിടിയിലായത്. ജോണിക്ക് മൂന്നുരാജ്യങ്ങളിലെ വിസ ഉണ്ടെന്നുള്ള വിവരത്തിന്റെ
അടിസ്ഥാനത്തിലാണ് പോലീസിന് ഇയാള് രാജ്യംവിടാനുള്ള സാധ്യത കണക്കിലെടുത്ത്
ലുക്കൗട്ട് നോട്ടീസ് പുറപ്പെടുവച്ചത്.
അതിനിടെ, ജോണി കോയമ്പത്തൂര്
വിമാനത്താവളം വഴി രക്ഷപെടാന് ശ്രമം നടത്തിയതായി പോലീസിന് വിവരം ലഭിച്ചിട്ടുണ്ട്.
പോലീസ് പിന്നാലെ ഉണ്ടായിരുന്നതിനാല് ശ്രമം വിജയിച്ചില്ല.
കൊലപാതകം നടന്ന്
മണിക്കൂറുകള്ക്കകം സംഭവവുമായി ബന്ധമുള്ള നാലുപേര്
അറസ്റ്റിലായിരുന്നു.
കൊലപാതകം നടത്തിയ സംഘത്തെ ഏകോപിച്ചത് ജോണിയാണെന്നാണ്
പോലീസ് കരുതുന്നത്. കൊല്ലപ്പെട്ട രാജീവിനെതിരെ വ്യാജ പരാതികള് നല്കിയത്
ജോണിക്കൊപ്പം അറസ്റ്റിലായ രഞ്ജിത്താണെന്നും കണ്ടെത്തിയിട്ടുണ്ട്. ഇരുവരെയും
പോലീസ് വിശദമായി ചോദ്യംചെയ്യും. പ്രമുഖ അഭിഭാഷകന് അടക്കമുള്ളവര്ക്ക്
സംഭവത്തെപ്പറ്റി അറിവുണ്ടായിരുന്നുവോയെന്ന് പോലീസ് ആരായും.
കൊലപാതകത്തിന്
പിന്നില് റിയല് എസ്റ്റേറ്റ് ഇടപാടിലെ തര്ക്കങ്ങളാണെന്ന് പോലീസ്
പറയുന്നു.