പൊലീസിനെ മര്‍ദ്ദിച്ചുവെന്ന കേസില്‍ മാധ്യമപ്രവര്‍ത്തകന്‍ അനീബിനെ കോടതി വെറുതെവിട്ടു
Published on 11 November, 2017
പൊലീസ്‌ ഉദ്യോഗസ്ഥനെ മര്‍ദ്ദിച്ചുവെന്നാരോപിച്ച്‌ കേസെടുത്ത മാധ്യമപ്രവര്‍ത്തകനെ കോടതി വെറുതെ വിട്ടു. ഞാറ്റുവേല പ്രവര്‍ത്തകര്‍ സംഘടിപ്പിച്ച ചുംബനത്തെരുവ്‌ സമരത്തിനിടയില്‍ ഉണ്ടായ സംഘര്‍ഷത്തില്‍ അറസ്റ്റ്‌ ചെയ്‌ത തേജസ്‌ ലേഖകന്‍ അനീബിനെയാണ്‌ കുറ്റക്കാരനല്ലെന്ന്‌ കണ്ടെത്തിയതിനെ തുടര്‍ന്ന്‌ കോഴിക്കോട്‌ ചീഫ്‌ ജുഡീഷ്യല്‍ മജിസ്‌ട്രേറ്റ്‌ കോടതി വെറുതെ വിട്ടത്‌.
2016 ജനുവരി ഒന്നിനാണ്‌ ഞാറ്റുവേല സാംസ്‌കാരിക സമിതിയുടെ നേതൃത്വത്തില്‍ കോഴിക്കോട്‌ കിഡ്‌സണ്‍ കോര്‍ണറില്‍ ഫാസിസ്റ്റ്‌ വിരുദ്ധ ചുംബന കൂട്ടായ്‌മ സംഘടിപ്പിച്ചത്‌. പരിപാടി തടയാനെത്തിയ ഹനുമാന്‍ സേന പ്രവര്‍ത്തകരും സമരക്കാരും തമ്മിലുണ്ടായ സംഘര്‍ഷം റിപ്പോര്‍ട്ട്‌ ചെയ്യാനെത്തിയ അനീബിനെ പൊലീസ്‌ ഉദ്യോഗസ്ഥനെ മര്‍ദിച്ചെന്നാരോപിച്ച്‌ ടൗണ്‍ പൊലീസ്‌ അറസ്റ്റ്‌ ചെയ്യുകയായിരുന്നു.
പൊലീസ്‌ ഉദ്യോഗസ്ഥനെ കയ്യേറ്റം ചെയ്‌തു, ഔദ്യോഗിക
കൃത്യനിര്‍വഹണം തടസപ്പെടുത്തി തുടങ്ങിയ കുറ്റങ്ങള്‍ ചുമത്തി ജാമ്യമില്ലാ വകുപ്പ്‌
പ്രകാരമായിരുന്നു കേസെടുത്തത്‌.
സമര പ്രവര്‍ത്തകനാണെന്ന്‌ ധരിച്ച്‌ പൊലീസ്‌ അനീബിനെ ഗുരുതരമായി മര്‍ദ്ദിച്ചുവെന്ന്‌ റിപ്പോര്‍ട്ടുകളുണ്ടായിരുന്നു. മാധ്യമ പ്രവര്‍ത്തകനാണെന്ന്‌ ബോധ്യപ്പെട്ടപ്പോള്‍ നിരവധി കേസുകളിലെ പ്രതിയാണെന്നും തങ്ങള്‍ നിരീക്ഷിച്ചുവരികയാണെന്നുമായിരുന്നു പൊലീസ്‌ വാദം. എഫ്‌ഐആര്‍ രേഖപ്പെടുത്തിയത്‌ അറസ്റ്റിന്‌ മണിക്കൂറുകള്‍ക്ക്‌ ശേഷമാണെന്നും ആരോപണമുയര്‍ന്നിരുന്നു
സമര പ്രവര്‍ത്തകനാണെന്ന്‌ ധരിച്ച്‌ പൊലീസ്‌ അനീബിനെ ഗുരുതരമായി മര്‍ദ്ദിച്ചുവെന്ന്‌ റിപ്പോര്‍ട്ടുകളുണ്ടായിരുന്നു. മാധ്യമ പ്രവര്‍ത്തകനാണെന്ന്‌ ബോധ്യപ്പെട്ടപ്പോള്‍ നിരവധി കേസുകളിലെ പ്രതിയാണെന്നും തങ്ങള്‍ നിരീക്ഷിച്ചുവരികയാണെന്നുമായിരുന്നു പൊലീസ്‌ വാദം. എഫ്‌ഐആര്‍ രേഖപ്പെടുത്തിയത്‌ അറസ്റ്റിന്‌ മണിക്കൂറുകള്‍ക്ക്‌ ശേഷമാണെന്നും ആരോപണമുയര്‍ന്നിരുന്നു
Facebook Comments
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്ത്തികരവുമായ പരാമര്ശങ്ങള് പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര് നിയമപ്രകാരം കുറ്റകരമാണ്. അഭിപ്രായങ്ങള് എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala