കാല്‍നൂറ്റാണ്ടിന്റെ ഇടവേളക്ക്‌ ശേഷം നടി പാര്‍വ്വതി സിനിമയിലേക്ക്‌ തിരിച്ചു വരാനൊരുങ്ങുന്നു. നല്ല സിനിമ ലഭിക്കുന്ന വേളയില്‍ മടങ്ങി വരാന്‍ കാത്തിരിക്കുകയാണ്‌. ജയറാമും മക്കളും ഈ കാര്യത്തില്‍ പൂര്‍ണ്ണ പിന്തുണയാണ്‌ നല്‍കുന്നന്നും  തിരിച്ചു വരുന്ന കഥാപാത്രം മികച്ചതായിരിക്കണമെന്ന്‌ ആഗ്രഹിക്കുന്നു വെന്നും  ഒരു സിനിമാ മാസികക്ക്‌ നല്‍കിയ അഭിമുഖത്തില്‍പാര്‍വതി പറഞ്ഞു.

കണ്ണന്‍ (കാളിദാസന്‍) പറഞ്ഞിരുന്നു അവന്റെ അമ്മ കഥാപാത്രമായി തിരിച്ചു വന്നുകൂടേയെന്ന്‌. എന്നെ സംബന്ധിച്ച്‌ അവനെ ആശ്രയിച്ച്‌ സിനിമയിലേയ്‌ക്കു വരാന്‍ താല്‍പ്പര്യമില്ല. എന്റെ സ്വപ്‌നം എന്റെ കഥാപാത്രങ്ങള്‍ മികച്ചതായിരിക്കണമെന്നതാണ്‌. കണ്ണന്റെ അമ്മയായി സ്‌ക്രീനില്‍ അഭിനയിക്കാന്‍ എന്നേക്കാള്‍ നല്ല നടിമാരുണ്ട്‌. ജയറാമിന്റെ കാര്യത്തിലും ഇങ്ങനെ തന്നെയാണ്‌.

സിനിമയില്‍ വ്യത്യസ്‌തത അനുഭവപ്പെടാന്‍ ഞങ്ങള്‍ക്കു പകരം കണ്ണന്റെ മാതാപിതാക്കളായി മറ്റു താരങ്ങള്‍ അഭിനയിക്കുന്നത്‌ തന്നെയാണ്‌ നല്ലത്‌.