ഉമ്മന് ചാണ്ടിക്കെതിരെ സരിത എസ് നായര് ഉന്നയിച്ച ലൈംഗിക ആരോപണങ്ങള് സോളാര് കമ്മീഷന് റിപ്പോര്ട്ടില് നിന്നും നീക്കിയതില് പ്രതികരണവുമായി ഉമ്മന് ചാണ്ടി. സരിതയുടെ കത്ത് തള്ളിയ സാഹചര്യത്തില് കമ്മീഷന് റിപ്പോര്ട്ട് തന്നെ അസാധുവായെന്ന് ഉമ്മന്ചാണ്ടി.തന്നെ തേജോവധം ചെയ്യാനുള്ള ശ്രമം ജനം വിലയിരുത്തട്ടെയെന്നും ഉമ്മന്ചാണ്ടി പ്രതികരിച്ചു.
കേസിലെ മുഖ്യപ്രതി സരിത എസ് നായര് ഉമ്മന്ചാണ്ടിയടക്കമുള്ള കോണ്ഗ്രസ് നേതാക്കള്ക്കെതിരെ ലൈംഗിക ആരോപണം ഉന്നയിച്ച് എഴുതിയ കത്ത് ജസ്റ്റിസ് ശിവരാജന് കമ്മീഷന് റിപ്പോര്ട്ടിന്റെ ഭാഗമാക്കിയിരുന്നു. ഈ കത്താണ് റിപ്പോര്ട്ടില് നിന്നും നീക്കിയത്.
കത്തിലുന്നയിച്ചിരുന്ന ലൈംഗികാരോപണങ്ങള് കമ്മിഷന്റെ പരിധിയില് വരുന്നതല്ലെന്ന് കോടതി വ്യക്തമാക്കി. എന്നാല് അന്വേഷണത്തില് തടസ്സമില്ലെന്നും കോടതി അറിയിച്ചു.
സരിതയുടെ കത്തും ബന്ധപ്പെട്ട പരാമര്ശങ്ങളും ഒഴിവാക്കി വേണം സര്ക്കാര് റിപ്പോര്ട്ട് പരിഗണിക്കാനെന്ന് കോടതി നിര്ദ്ദേശിച്ചു. ഉമ്മന്ചാണ്ടിയുടെ ഹര്ജി ഭാഗികമായി അനുവദിച്ച കോടതി, അതേസമയം, മുന്മന്ത്രി തിരുവഞ്ചൂര് നല്കിയ ഹര്ജി തള്ളി.