തായ്‌ലന്‍ഡിലെ ഗുഹയില്‍ കുടുങ്ങി കിടന്ന നാല്‌ കുട്ടികളെ രക്ഷപ്പെടുത്തി
Published on 08 July, 2018
തായ്‌ലന്‍ഡ്‌ : രണ്ടാഴ്‌ചയോളമായി തായ്‌ലന്‍ഡിലെ ഗുഹയില്‍ കുടുങ്ങി കിടക്കുന്ന
ഫുട്‌ബോള്‍ താരങ്ങളില്‍ നാല്‌ കുട്ടികളെ രക്ഷപ്പെടുത്തി. ഘട്ടം ഘട്ടമായാണ്‌
കുട്ടികളെ പുറത്തെത്തിക്കുന്നത്‌. കുട്ടികളെ ആശുപത്രിയിലേക്ക്‌ എത്തിച്ചതായി തായ്‌
അധികൃതര്‍ അറിയിച്ചു. രാജ്യാന്തര വാര്‍ത്താ ഏജന്‍സിയായ റോയ്‌റ്റേഴ്‌സ്‌ ആണ്‌ വിവരം
പുറത്ത്‌ വിട്ടത്‌.
ഗുഹയ്‌ക്കുളളിലെ ജലനിരപ്പ്‌ നേരിയ തോതില്‍ കുറഞ്ഞത്‌
രക്ഷാപ്രവര്‍ത്തനത്തിന്‌ സഹായകമായിട്ടുണ്ട്‌. സുരക്ഷാസംഘം രാവിലെ ഗുഹക്കുള്ളില്‍
പ്രവേശിച്ചതായി ഓപ്പറേഷന്‍ ഹെഡ്‌ നരൊന്‌ഗ്‌സക്‌ ഒസൊത്തന്‍കൊണ്‍ മാധ്യമങ്ങളോട്‌
പറഞ്ഞു.
രക്ഷാപ്രവര്‍ത്തനം സുഗമമാക്കാന്‍ സുരക്ഷാസേന മെഡിക്കല്‍ സംഘത്തെയും
ഡൈവിങ്ങ്‌ സംഘത്തെയും അവശ്യജീവനക്കാരെയും മാത്രമേ ഗുഹാപരിസരത്തേക്ക്‌
കടത്തിവിടുന്നുള്ളു. ജൂണ്‍ 23നാണ്‌ 12 കുട്ടികളും കോച്ചും ഗുഹയില്‍ അകപ്പെട്ടത്‌.
Facebook Comments
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്ത്തികരവുമായ പരാമര്ശങ്ങള് പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര് നിയമപ്രകാരം കുറ്റകരമാണ്. അഭിപ്രായങ്ങള് എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala