തൃശൂര്‍: രാഷ്ട്രപതി റാംനാഥ്‌ കോവിന്ദിനെ വധിക്കുമെന്ന്‌ ഭീഷണിപ്പെടുത്തിയ പൂജാരി പിടിയിയില്‍ . ത്യശൂര്‍ ചിറക്കല്‍ ഭഗവതി ക്ഷേത്രത്തിലെ പൂജാരി ജയരാമനാണ്‌ അറസ്റ്റിലായത്‌. പോലീസ്‌ കണ്‍ട്രോള്‍ റൂമിലേക്ക്‌ ഫോണില്‍ വിളിച്ചാണ്‌ ഇയാള്‍ വധഭീഷണി മുഴക്കിയത്‌. തൃശൂര്‍ സെന്റ്‌ തോമസ്‌ കോളജ്‌ ശതാബ്ദി ആഘോഷത്തിനെത്തുമ്പോള്‍ വധിക്കുമെന്നായിരുന്നു ഭീഷണി. പുലര്‍ച്ചെ ഒരു മണിയോടെയാണു സന്ദേശമെത്തിയത്‌. ഫോണ്‍ വിളിയുടെ ഉറവിടം കണ്ടെത്തി പോലീസ്‌ ഇയാളെ പിടികൂടുകയായിരുന്നു.