കൊച്ചി: ബിഷപ്പ്‌ ഫ്രാങ്കോ മുളയ്‌ക്കലിനെ അറസ്റ്റ്‌ ചെയ്യണമെന്ന്‌ ആവശ്യപ്പെട്ട്‌ സമരം ചെയ്‌ത കന്യാസ്‌ത്രീകളെ പിന്തുണച്ച വൈദികനെതിരെയും സഭ നടപടിയെടുത്തു. യൂഹാനോന്‍ റമ്‌ബാനെതിരെയാണ്‌ യാക്കോബായ സഭ നടപടിയെടുത്തത്‌. റമ്‌ബാനോട്‌ പൊതുപരിപാടികളില്‍ പങ്കെടുക്കരുതെന്നും വിലക്ക്‌ ലംഘിച്ചാല്‍ അച്ചടക്ക നടപടിയുണ്ടാകുമെന്നും മുന്നറിയിപ്പും നല്‍കി.

റമ്‌ബാന്മാര്‍ ദയറകളില്‍ പ്രാര്‍ത്ഥിച്ചു കഴിയേണ്ടവരാണെന്നും സഭാനേതൃത്വം വ്യക്തമാക്കി. പാത്രിയാര്‍ക്കീസ്‌ ബാവയുടെ നിര്‍ദേശപ്രകാരമാണ്‌ റമ്‌ബാനെതിരെ നടപടി എടുത്തതെന്നും സഭാനേതൃത്വം പറഞ്ഞു.