പാലക്കാട്‌: വിപണിയില്‍ എട്ടു കോടി രൂപ വിലമതിക്കുന്ന രണ്ടുകിലോഗ്രാം ഹാഷിഷ്‌ ഓയിലുമായി കന്യാകുമാരി സ്വദേശിനി ഒലവക്കോട്ട്‌ പിടിയിലായി. കന്യാകുമാരി അല്‍വാര്‍കോവില്‍ സ്വദേശി സിന്ധുജ(21)യാണ്‌ എക്‌സൈസ്‌ ഇന്റലിജന്‍സ്‌ ബ്യൂറോയും സ്‌പെഷല്‍ സ്‌ക്വാഡും നടത്തിയ പരിശോധനയില്‍ പിടിയിലായത്‌.
ഒരു ലക്ഷം രൂപയാണ്‌ സിന്ധുജയുടെ പ്രതിഫലം. ഇത്‌ 17ാം തവണയാണ്‌ സിന്ധുജ ചാവക്കാടേക്ക്‌ ഹാഷിഷ്‌ എത്തിക്കുന്നതെന്നും കേരളത്തില്‍ നിന്ന്‌ ഒമാനിലേക്ക്‌ കടത്താനാണ്‌ ഇത്‌ എത്തിക്കുന്നതെന്നും ഇവര്‍ മൊഴി നല്‍കിയതായി എക്‌സൈസ്‌ ഉദ്യോഗസ്ഥര്‍ പറഞ്ഞു.