വെസ്റ്റ്ചെസ്റ്റർ മലയാളി അസ്സോസിയേഷനൊപ്പം ആദ്യകാല പ്രവർത്തനങ്ങളിൽ ഞാനുമുണ്ടായിരുന്നു. അസോസിയേഷനു ലഭിക്കുന്ന ഫണ്ട് അതാത് വർഷം തന്നെ ഉപയോഗിക്കണമെന്ന ഒരു പതിവ് അന്നു   തീരുമാനിച്ചിരുന്നു. അതുമൂലം സംഘടനയുടെ ചുമതലകൾ ഏറ്റെടുക്കാൻ അധികം ഭാരവാഹികൾ മുമ്പോട്ട് വരാറില്ല. സ്ഥാനങ്ങൾ പലപ്പോഴും നിർബന്ധം മൂലം അതിലെ പ്രവർത്തകർ വഹിക്കുന്നതാണ്. എങ്കിലും അർപ്പിത മനോഭാവത്തോടെ പ്രവർത്തിക്കുന്ന പ്രവർത്തകർ അന്നുമുതൽ ഈ സംഘടനക്കുണ്ടെന്നുള്ളതും പ്രത്യേകതയാണ്. നാൽപ്പത്തിയഞ്ച് വർഷം മുമ്പുമുതൽ ഫണ്ടുകൾ അസോസിയേഷൻ സമാഹരിച്ചിരുന്നെങ്കിൽ നേതാക്കന്മാരുടെ ഒരു ഇടിച്ചുകയറ്റം സംഘടനയ്ക്കുണ്ടാകുമായിരുന്നു. സംഘടന നല്ല കാര്യങ്ങൾ പലതും ചെയ്തതായും അറിവുണ്ട്. പുതിയ ഭാരവാഹികൾക്ക് എല്ലാവിധ വിജയാശംസകളും.