കടല് കാണുമ്പോഴെല്ലാം
സുനാമിയുടെ ആര്ത്തലയ്ക്കുന്ന
രുദ്രതാണ്ഡവം
ഒരു മിന്നല്പ്പിണര്പോലെ
എന്നിലേക്ക പ്രവഹിച്ചിരുന്നു!
തിരകളിലൂടെ അലഞ്ഞു
നടന്നു ഇണയെ തേടുന്ന
ഒറ്റച്ചെരിപ്പിന്റെ രോദനവും
അലകള് മായ്ച്ചുകളഞ്ഞ
കാല്പ്പാടുകള് തിരയുന്ന
നിഴലുകളുടെ നിലവിളിയും
എന്നും ഞാന് കേട്ടിരുന്നു!
പ്രതീക്ഷയുടെ ഭാരം പേറി
നിന്റെ മടിത്തട്ടില്
കുടുങ്ങിപ്പോയവരുടെ
തേങ്ങലുകള് തിരമാലകളായി
ഉയര്ന്നുതാഴുന്നത്
ഞാനറിഞ്ഞിരുന്നു
തിരയടിച്ചെത്തിയ നിന്റെ
ജലത്തില് അവരുടെ
കണ്ണീരിന്റെ ഉപ്പു ഞാന് രുചിച്ചിരുന്നു!!
മലയാളത്തില് ടൈപ്പ് ചെയ്യാന് ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്ത്തികരവുമായ പരാമര്ശങ്ങള് പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര് നിയമപ്രകാരം കുറ്റകരമാണ്. അഭിപ്രായങ്ങള് എഴുതുന്നയാളുടേത് മാത്രമാണ്. ഇ-മലയാളിയുടേതല്ല