തിരുവനന്തപുരം: സെക്രട്ടേറിയറ്റിലേക്ക് യുവമോര്ച്ച നടത്തിയ മാര്ച്ചില് സംഘര്ഷം. സെക്രട്ടേറിയറ്റിലേക്ക് തള്ളിക്കയറാന് ശ്രമിച്ച യുവമോര്ച്ച പ്രവര്ത്തകര്ക്ക് നേരേ പോലീസ് ജലപീരങ്കിയും കണ്ണീര്വാതകവും പ്രയോഗിച്ചു. പിന്നീട് പിരിഞ്ഞുപോകാന് തയ്യാറാകാതിരുന്ന പ്രവര്ത്തകര്ക്ക് നേരേ പോലീസ് ലാത്തിച്ചാര്ജ് നടത്തി.
ലാത്തിച്ചാര്ജിനെ തുടര്ന്ന് യുവമോര്ച്ച പ്രവര്ത്തകര് പിരിഞ്ഞുപോയെങ്കിലും വീണ്ടും തിരിച്ചെത്തി പോലീസിനെതിരെ മുദ്രാവാക്യം വിളിച്ചു. ഇതോടെ പോലീസ് വീണ്ടും കണ്ണീര്വാതകം പ്രയോഗിക്കുകയായിരുന്നു. തുടര്ന്ന് നേതാക്കള് ഇടപെട്ട് പ്രവര്ത്തകരെ തിരിച്ചയക്കുകയായിരുന്നു.
പി.എസ്.സി പരീക്ഷയില് ക്രമക്കേട് ആരോപിച്ചും ഇതില് സി.ബി.ഐ അന്വേഷണം ആവശ്യപ്പെട്ടുമാണ് യുവമോര്ച്ച സെക്രട്ടേറിയറ്റ് മാര്ച്ച് സംഘടിപ്പിച്ചത്. ബി.ജെ.പി സംസ്ഥാന അധ്യക്ഷന് പി.എസ്. ശ്രീധരന്പിള്ള മാര്ച്ച് ഉദ്ഘാടനം ചെയ്തു.