ഹൈദരാബാദ്: ഇന്ത്യയുടെ എക്കാലത്തേയും മികച്ച മധ്യനിര
ബാറ്റ്സ്മാന്മാരില് ഒരാളായ വിവിഎസ് ലക്ഷ്മണ് അന്താരാഷ്ട്ര
ക്രിക്കറ്റില് നിന്ന് വിരമിച്ചു. ശനിയാഴ്ച ഹൈദരാബാദില് വിളിച്ചു
ചേര്ത്ത മാധ്യമ സമ്മേളനത്തിലാണ് വിരമിക്കല് തീരുമാനം പ്രഖ്യാപിച്ചത്.
യുവാക്കള്ക്ക് വേണ്ടി വഴിമാറുകയാണെന്നും ശരിയായ സമയത്താണ് താന്
വിരമിക്കല് പ്രഖ്യാപനം നടത്തിയത് എന്നും രാജ്യത്തിനു വേണ്ടി ഇത്രയും കാലം
കളിക്കാനായതില് സന്തോഷമുണ്ട് എന്നും ലക്ഷ്മണ് പറഞ്ഞു.
ലക്ഷ്മണിന്റെ പതിനാറു വര്ഷം നീണ്ട കരിയറിനാണ് ഇതോടെ അവസാനമായത്.
1996 ല് ദക്ഷിണാഫ്രിക്കയ്ക്കെതിരേയാണു ലക്ഷ്മണ് ടെസ്റ്റില്
അരങ്ങേറിയത്. ഇതുവരെ 134 ടെസ്റ്റുകളില്നിന്ന് 45.97 ശരാശരിയില് 8781
റണ്സെടുത്തു. 17 സെഞ്ചുറികളും 56 അര്ധ സെഞ്ചുറികളും സ്വന്തമാക്കി. 281
റണ്സാണ് ഏറ്റവും ഉയര്ന്ന സ്കോര്. 86 ഏകദിനങ്ങളില് ഇന്ത്യക്കു വേണ്ടി
കളിച്ച ലക്ഷ്മണ് 30.79 ശരാശരിയില് 2338 റണ്സെടുത്തു. ആറു സെഞ്ചുറികളും
10 അര്ധ സെഞ്ചുറികളും ലക്ഷ്മണിന്റെ പേരിലുണ്ട്.
മലയാളത്തില് ടൈപ്പ് ചെയ്യാന് ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്ത്തികരവുമായ പരാമര്ശങ്ങള് പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര് നിയമപ്രകാരം കുറ്റകരമാണ്. അഭിപ്രായങ്ങള് എഴുതുന്നയാളുടേത് മാത്രമാണ്. ഇ-മലയാളിയുടേതല്ല