ഹൂസ്റ്റണ് : മാര്ത്തോമ്മാ സുറിയാനി സഭയുടെ
ഇരുപത്തൊന്നാം മെത്രാപ്പോലീത്താ ഡോ. ജോസഫ് മാര്ത്തോമ്മാ
മെത്രാപ്പോലീത്തായുടെ 83-മത് ജന്മദിനം ട്രിനിറ്റി മാര്ത്തോമ്മാ സണ്ടേ
സ്ക്കൂള് ഹാളില് വച്ച് സമുചിതമായി ആഘോഷിച്ചു. ജൂണ് 27ന് 83-#ാ#ം
വയസ്സിലേക്ക് പ്രവേശിയ്ക്കുന്ന തിരുമേനി ഹൃസ്വ സന്ദര്ശനാര്ത്ഥം ആണ്
ഹൂസ്റ്റണില് എത്തിച്ചേര്ന്നത്.
ജൂണ് 8ന് ശനിയാഴ്ച വൈകുന്നേരം 7മണിയ്ക്ക് ട്രിനിറ്റി മാര്ത്തോമ്മാ ഇടവക
നോര്ത്ത് ഷോര് പ്രാര്ത്ഥനാ ഗ്രൂപ്പ് അംഗം പി.സി.ജോര്ജ് പുളിന്തിട്ടയുടെ
മകള് ഡോ. ജെന്സി ജോര്ജ്ജിന്റെ ഗ്രാജുവേഷന് സെറിമണിയോടനബന്ധിച്ച് നടന്ന
പ്രത്യേക സമ്മേളനത്തിലാണ് ജന്മദിനാഘോഷം നടന്നത്.
എട്ടു പതിറ്റാണ്ടില്പരം സംഭവബഹുലമായിരുന്ന ജീവിതത്തില് കരുത്തും
ആരോഗ്യവും ലഭിച്ചത് ജനങ്ങളുടെ പ്രാര്ത്ഥന ഒന്നു കൊണ്ടു മാത്രമാണെന്നും,
തുടര്ന്നും സഭയെ നയിയ്ക്കേണ്ടതിന് കൂടുതലായി ദൈവകൃപ ലഭിയ്ക്കുന്നതിന്
സഭാജനങ്ങളുടെ പ്രാര്ത്ഥന ആവശ്യമാണെന്നും, ഇതുവരെ കരുതിയ ദൈവത്തിനു നന്ദി
കരേറ്റുന്നുവെന്നും തിരുമേനി പ്രസംഗത്തില് ചൂണ്ടിക്കാട്ടി.
തിരുമേനി ജന്മദിന കേക്ക് മുറിച്ചു. സഭയിലെ സീനിയര് വൈദികന് റവ.പി.എം.
കുരികേശു, ട്രിനിറ്റി മാര്ത്തോമ്മാ ഇടവക വികാരി റവ.കൊച്ചുകോശി ഏബ്രഹാം,
ഇമ്മാനുവേല് മാര്ത്തോമ്മാ ഇടവക വികാരി റവ.സജു മാത്യൂ, യൂത്ത് ചാപ്ലയിന്
റവ.റോയി എ. തോമസ്, മെത്രാപ്പോലീത്തായുടെ സെക്രട്ടറി റവ.ഏബ്രഹാം സി.
പുളിന്തിട്ട എന്നിവര് ജന്മദിനാശംസകള് അര്പ്പിച്ച് തിരുമേനിയ്ക്ക്
ആയുരാരോഗ്യം നേര്ന്നു.
റിപ്പോര്ട്ട്: ജീമോന് റാന്നി
Dr. Joseph Mar Thoma 83rd Birthday