താമ്പാ: ജൂണ് ഏഴാം തീയതി സംഘടിപ്പിക്കുന്ന എഴുപത്തിയൊന്നാമത് അമേരിക്കന് മലയാളി സാഹിത്യ സല്ലാപത്തില് 'അമേരിക്കയിലെ മലയാള സാഹിത്യം – തുടക്കവും വളര്ച്ചയും' എന്നുള്ളതായിരിക്കും ചര്ച്ചാ വിഷയം. ശ്രീ. ജോര്ജ്ജ് മണ്ണിക്കരോട്ട് ആയിരിക്കും 'അമേരിക്കയിലെ മലയാള സാഹിത്യം – തുടക്കവും വളര്ച്ചയും' എന്ന വിഷയത്തില് പ്രബന്ധാവതരണം നടത്തുന്നത്. ഈ വിഷയത്തെക്കുറിച്ച് അറിവും പരിചയവുമുള്ള ധാരാളം ആളുകള് ചര്ച്ചയില് പങ്കെടുത്തു സംസാരിക്കുന്നതാണ്. 'അമേരിക്കയിലെ മലയാള സാഹിത്യ'ത്തെക്കുറിച്ച് കൂടുതല് അറിയുവാന് താത്പര്യമുള്ള എല്ലാ നല്ല ആളുകളെയും അമേരിക്കന് മലയാളി സാഹിത്യ സല്ലാപത്തിലേയ്ക്ക് സ്വാഗതം ചെയ്യുന്നതായി ഭാരവാഹികള് അറിയിച്ചു.
മെയ് മുപ്പത്തിയൊന്നാം തീയതി സംഘടിപ്പിച്ച എഴുപതാമത് അമേരിക്കന് മലയാളി സാഹിത്യ സല്ലാപത്തില് 'ഉന്നത വിദ്യാഭ്യാസം' എന്നുള്ളതായിരുന്നു ചര്ച്ചാ വിഷയം. മുന് കേരള സര്വ്വകലാശാല വൈസ് ചാന്സിലറും, കേരള സര്ക്കാരിന്റെ പ്ലാനിംഗ് ബോര്ഡ് അംഗവും ഭിഷഗ്വരനും പ്രശസ്ത ചിന്തകനും എഴുത്തുകാരനുമായ ഡോ. ബി. ഇക്ബാല് ആയിരുന്നു പ്രസ്തുത വിഷയത്തില് പ്രബന്ധം അവതരിപ്പിച്ചത്. പ്രബന്ധാവതരണവും തുടര്ന്ന് നടന്ന ചര്ച്ചകളും വളരെ വിജ്ഞാനപ്രദമായിരുന്നു. കേരളത്തിലെ ഉന്നത വിദ്യാഭ്യാസ രംഗത്തിന്റെ ഉല്പത്തിയും വളര്ച്ചയും വികാസവും വളരെ ഉന്നത നിലവാരത്തില് തന്നെ അവതരിപ്പിക്കുവാന് ഡോ. ഇക്ബാലിന് സാധിച്ചു. ഉന്നത വിദ്യാഭാസ രംഗത്ത് ഭാരതവും അതില് വിശേഷിച്ച് കേരളവും വളരെയേറെ പുരോഗതി പ്രാപിച്ചിട്ടുണ്ടെന്ന് അദ്ദേഹം വിവരിച്ചു. എന്നാല് ഗുണ നിലവാരത്തിന്റെയും കാര്യക്ഷമതയുടെയും തലത്തില് ഇന്നത്തെ അവസ്ഥ വളരെ ദയനീയമാണെന്നും പഠിച്ചിറങ്ങുന്നവരുടെ മാര്ക്ക് ഷീറ്റുകളും ഡിഗ്രികളും തുടങ്ങി വൈസ് ചാന്സിലര്മാരുടെ ബയോഡേറ്റ വരെ വിശ്വസനീയമല്ലെന്നുമുള്ള അവസ്ഥ നിലനില്ക്കുന്നുണ്ട് എന്നീ അഭിപ്രായങ്ങളും സല്ലാപത്തില് ഉയരുകയുണ്ടായി.
സാഹിത്യ സല്ലാപത്തില് സ്ഥിരമയി പങ്കെടുക്കുന്ന ജോര്ജ്ജ് മണ്ണിക്കരോട്ട്, ജോണ് എബ്രഹാം, അബ്ദുള് പുന്നയൂര്ക്കുളം എന്നിവര്ക്ക് ജന്മദിന മംഗളാശംസകള് നേരുകയുണ്ടായി.
ഡോ. എ. കെ. ബി. പിള്ള, മനോഹര് തോമസ്, ജോണ് എബ്രഹാം, എബ്രഹാം തെക്കേമുറി, എ. സി. ജോര്ജ്ജ്, മുരളി ജെ. നായര്, പ്രൊഫ. എം. ടി. ആന്റണി, ഡോ. ജോണ് എന്. പി., ഡോ. തെരേസാ ആന്റണി, ഡോ. എന്. പി. ഷീല, ത്രേസ്യാമ്മ നാടാവള്ളില്, ജോസ് പുല്ലാപ്പള്ളില്, രാജു തോമസ്, അബ്ദുള് പുന്നയൂര്ക്കുളം, ഈശോ ജേക്കബ്, സി. എം. സി., മോന്സി കൊടുമണ്, രണ്ജിത്ത് കരുണാകരന്, ജോസഫ് നമ്പിമഠം, മൈക്ക് മത്തായി, കെ. കെ. ജോണ്സന്, ഹരി നമ്പൂതിരി, ജോണ് ഇളമത, മാത്യു ജോര്ജ്ജ്, ജയിംസ് മാത്യു, ടോം എബ്രഹാം, വര്ഗീസ് എബ്രഹാം ഡെന്വര്, റജീസ് നെടുങ്ങാടപ്പള്ളി, പി. പി. ചെറിയാന്, സി. ആന്ഡ്രൂസ്, ജയിന് മുണ്ടയ്ക്കല് എന്നിവര് ചര്ച്ചയില് സജീവമായി പങ്കെടുത്തു. ധാരാളം കേഴ്വിക്കാരും ഉണ്ടായിരുന്നു.
ശനിയാഴ്ചതോറുമാണ് അമേരിക്കന് മലയാളി സാഹിത്യ സല്ലാപം നടത്തുന്നത്. സല്ലാപത്തില് പങ്കെടുക്കുവാന് എല്ലാ ശനിയാഴ്ചയും വൈകുന്നേരം എട്ടു മുതല് പത്തു വരെ (ഈസ്റ്റേണ് സമയം) നിങ്ങളുടെ ടെലിഫോണില് നിന്നും താഴെ കൊടുത്തിരിക്കുന്ന ടെലിഫോണ് നമ്പരിലേയ്ക്ക് വിളിക്കാവുന്നതാണ് .....
14434530034 കോഡ് 365923
ടെലിഫോണ് ചര്ച്ചയില് പങ്കെടുക്കുന്ന എല്ലാവര്ക്കും ചോദ്യങ്ങള് ചോദിക്കാന് അവസരം ഉണ്ടായിരിക്കും.
jain@mundackal.com
, gracepub@yahoo.com എന്ന ഇമെയില് വിലാസങ്ങളില് ചര്ച്ചയില് അവതരിപ്പിക്കാന് താത്പര്യമുള്ള വിഷയങ്ങളും ചോദ്യങ്ങളും മുന്കൂറായി അയച്ചു കൊടുക്കാവുന്നതാണ്. കൂടുതല് വിവരങ്ങള്ക്ക് ബന്ധപ്പെടുക: 8133893395
Join us on Facebook https://www.facebook.com/groups/142270399269590/ വാര്ത്ത അയച്ചത്: ജയിന് മുണ്ടയ്ക്കല്