എന്റെ നഷ്ടപ്രണയം (കവിത: രാജന്‍ കിണറ്റിങ്കര)

SAHITHYAM 21-May-2019 രാജന്‍ കിണറ്റിങ്കര
SAHITHYAM 21-May-2019
രാജന്‍ കിണറ്റിങ്കര
Share
image
ഇന്നെന്റെ

നഷ്ട പ്രണയത്തിന്റെ

ഓര്‍മ്മ ദിവസം

 

image
image
കിഴക്ക് വെള്ള കീറുമ്പോള്‍

മതിലുകള്‍ അതിരു പാകാത്ത

മുളങ്കാടുകള്‍ക്കിടയിലൂടെ

കേട്ട നൂപുരധ്വനികള്‍

 

മഞ്ഞിന്‍ കണങ്ങള്‍

അടര്‍ന്നുവീഴാതെ

തുളുമ്പി നില്‍ക്കുന്ന

പ്രഭാതവദനത്തിലെ

നിന്റെ നുണക്കുഴികള്‍

 

ആദ്യകിരണത്തിന്റെ

തലോടലേറ്റ്

പാതി കൂമ്പിയ

ആമ്പല്‍ പൂവില്‍

മൗനം മീട്ടിയ

ശ്രീ രാഗങ്ങള്‍

 

വിടരാനാവും മുമ്പെ

രാത്രി മഴയില്‍

കൊഴിഞ്ഞു വീണ

മാമ്പൂവിന്റെ

നഷ്ട സുഗന്ധം പോലെ

നിന്റെ പൊട്ടിച്ചിരികള്‍

 

പടിയിറങ്ങുമ്പോള്‍

വാതില്‍ക്കല്‍

മറഞ്ഞു നിന്ന്

നീ ഒഴുക്കിയ

വേര്‍പാടിന്റെ

കണ്ണീര്‍ പാടുകള്‍

 

ഒടുവില്‍

യാത്ര പറച്ചിലിന്റെ

തിരിഞ്ഞുനോട്ടത്തില്‍

ഇനി ഒരിക്കലും

കണ്ടുമുട്ടില്ലെന്ന്

പറയാതെ പറഞ്ഞ

നിന്റെ കടമിഴിക്കോണിലെ

വിഷാദ ഭാവങ്ങള്‍

 

എല്ലാം

കുത്തിനോവിക്കുന്നുണ്ട്

 

എനിക്ക് നഷ്ടപ്പെട്ട

ഈറന്‍ പുലരികള്‍

ഗ്രാമസന്ധ്യകള്‍

പനം തത്തകള്‍ തീര്‍ത്ത

മുളം കാടിന്റെ സംഗീതം

മാഞ്ഞു പോയ

പച്ചപ്പുകള്‍

വേനല്‍ കിനാവുകള്‍

 

എന്റെ നഷ്ട പ്രണയം

 



image
Facebook Comments
Comments.
Leave a reply.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല
Leave a reply.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല
News in this section