വാഷിങ്ടണ്: കോവിഡ് പ്രതിരോധിക്കുന്നതില് ട്രംപിന് വന്വീഴ്ച പറ്റിയെന്ന കുറ്റപ്പെടുത്തലുമായി മുന്ഗാമി ബറാക് ഒബാമ. രാജ്യത്തെ ഭരണപരാജയത്തിന്റെ ഏറ്റവും വലിയ തെളിവാണ് കോവിഡ് വ്യാപനമെന്ന് ഓണ്ലൈന് വഴിയുള്ള സര്വകലാശാല ബിരുദദാന ചടങ്ങില് സംസാരിക്കവെ ഒബാമ ആരോപിച്ചു.
''സ്വന്തം ചുമതലകള് എങ്ങനെ നിര്വഹിക്കാമെന്ന് ഉത്തരവാദിത്തപ്പെട്ടവര്ക്കറിയാം എന്ന നമ്മുടെ വിശ്വാസത്തിന്റെ തിരശ്ശീലയും ഈ മഹാമാരി വലിച്ചുകീറിയിരിക്കുന്നു. പ്രതിരോധപ്രവര്ത്തനങ്ങളുടെ ചുമതലയുള്ള ഉദ്യോഗസ്ഥരില് പലരും പ്രവര്ത്തിക്കുന്നില്ല എന്നുമാത്രമല്ല, നിര്ണായക പദവികളില് ഉള്ളവരാണ് തങ്ങളെന്ന് പലരും നടിക്കുന്നുപോലുമില്ല.''- ഒബാമ കുറ്റപ്പെടുത്തി.
കോവിഡ് പ്രതിരോധനത്തിന്റെ പേരില് ഇത് രണ്ടാംതവണയാണ് ഒബാമ ട്രംപിനെതിരെ രംഗത്തുവരുന്നത്. കോവിഡ് യു.എസിലെ കറുത്തവര്ഗക്കാര്ക്കിടയിലെ അസമത്വം വര്ധിപ്പിക്കാന് ഇടവന്നെന്ന ആശങ്കയും ഒബാമ പങ്കുവെച്ചു. 2017ല് അധികാരെമാഴിഞ്ഞ ശേഷം അപൂര്വമായി മാത്രമാണ് ഒബാമ ട്രംപ് ഭരണകൂടത്തിനെതിരെ ശബ്ദമുയര്ത്തിയിട്ടുള്ളത്.