ഞാനൊരു രാജ്ഞിയായാൽ (കവിത: പുഷ്പമ്മ ചാണ്ടി)
SAHITHYAM
03-Jun-2020
SAHITHYAM
03-Jun-2020
എനിക്കൊരുനാളൊരു രാജ്ഞിയാവണം
ഈ വീടിന്റെ കിരീടം ചൂടണം
കയ്യിലൊരു ചെങ്കോലും വേണം
നിമിഷനേരവുമെന്നെ
നിലത്തു നിർത്താതെ
പണി ചെയ്യിക്കും
വീട്ടു പ്രജകൾക്കു
'പണി' കൊടുത്തു പണിയെടുപ്പിച്ചീ
കട്ടിലാകും സിംഹാസനത്തിൽ പ്രൗഡിയോടെ
മയക്കം നടിച്ചു
മിഴിയടച്ചു കിടക്കണം
Sponsored Advertisement
Sponsored Advertisement
വെച്ചതിനും വിളമ്പിയതിനും കുറ്റം പറയും പ്രജകളെ
വാ തോരാതെനിക്കു നന്നായ്
പള്ളു പറഞ്ഞുളളാലെ രസിക്കണം
നാല് നേരെത്തെ
ദേഹണ്ണം കഴിഞ്ഞു
പഞ്ചപുച്ഛമടക്കി നിൽക്കും പ്രജകളെ നോക്കി
മന്ദഹസിച്ചു നിൽക്കണം
ഖജനാവിന്റെ താക്കോൽ
വിരലിലിട്ടു ചുഴറ്റിക്കൊണ്ടു
തെക്കു വടക്കുലാത്തണം
ഖജനാവിലെ ധനമെടുത്തു
നാടിന്റെ നന്മയ്ക്കായ്
തന്നിഷ്ടത്തോടെ
വിനിയോഗിക്കാൻ കഴിയണം
ഞാൻ പണിയെടുക്കാ പൂന്തോപ്പിൽ
വിരിയും പൂക്കൾ പുഞ്ചിരിക്കെ
അവയെ നോക്കി കണ്ണിറുക്കി
സ്ഫടിക പാത്രത്തിൻ
ഭംഗി കൂട്ടണം
നന്മയുള്ള മന്ത്രിതന്റെ
ആശയങ്ങളെ
"കൂപമണ്ഡൂകമേ" യെന്നു വിളിച്ചു പുച്ഛിച്ചു തളളണം
നടക്കാത്തൊരീ സ്വപ്നങ്ങൾ കണ്ടുറങ്ങാനെന്തു രസം..!
Comments.
Leave a reply.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല
Leave a reply.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല
Facebook Comments