ക്രൗഞ്ചപക്ഷികള്‍ (കവിത : രാജന്‍ കിണറ്റിങ്കര)

kazhchapadu 19-Jan-2021 രാജന്‍ കിണറ്റിങ്കര
kazhchapadu 19-Jan-2021
രാജന്‍ കിണറ്റിങ്കര
Share
image
വാക്കുകള്‍ കൊണ്ട്
ചിറകറ്റു വീഴുന്ന
ചില മനുഷ്യരുണ്ട്
 
ആരോ 
അകമറയ്ക്കുള്ളില്‍
കരുതിവച്ച
വിഷം പുരട്ടിയ
അമ്പേറ്റ്
പിടഞ്ഞു വീഴുന്ന
ഇണക്കിളികളെപ്പോലെ
 
സ്‌നേഹത്തിന്റെ
പച്ചിലക്കാട്ടില്‍
മറഞ്ഞിരിക്കുന്ന
ശത്രുവിനെ കാണാതെ
ഹൃദയത്തിന്റെ
നിശ്ശബ്ദ ഭാഷകള്‍
കൈമാറുന്ന
പറവകളെപ്പോലെ
 
സന്ധ്യയുടെ
കുങ്കുമവര്‍ണ്ണത്തില്‍
സ്വപ്നങ്ങളുടെ
പുഞ്ചിരി ചാലിച്ച്
ആഴങ്ങളിലേക്കിറങ്ങുന്ന
പുഴക്കടവിലെ
തോണിക്കാരനെപ്പോലെ
 
ഒറ്റപ്പെട്ട
നക്ഷത്രങ്ങള്‍
രാവിന്റെ മാറില്‍
തല ചായ്ച്ച്
ഒരു മിന്നാമിന്നിയായി
ഭൂമിയുടെ ആഴങ്ങളിലേക്ക്
പതിയ്ക്കുന്ന പോലെ
 
അനന്തയുടെ
പുലര്‍വെളിച്ചത്തില്‍
അവിചാരിതമായി
തറയ്ക്കുന്ന
വാക്കുകളുടെ
കൂരമ്പുകള്‍ 
 
അരുത് കാട്ടാളാ
എന്ന് പറയാന്‍
ആരാരുമില്ലാതെ
ചിറകറ്റ് നിസ്സഹായരായി
ചില മനുഷ്യര്‍
 




image
Facebook Comments
Comments.
Leave a reply.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല
Leave a reply.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല
News in this section