പാറ്റ്ന: പ്രായപൂര്ത്തിയാകാത്ത ബാലികയെ മാനഭംഗപ്പെടുത്തുകയും വീഡിയോ ദൃശ്യങ്ങള് പ്രചരിപ്പിക്കുകയും ചെയ്ത സംഭവത്തില് മൂന്നു പേര് അറസ്റ്റില്. കഴിഞ്ഞ ജൂണ് 14ന് രാജ്വംശി നഗറില്വച്ചാണു ബാലിക പീഡിപ്പിക്കപ്പെട്ടത്. കോച്ചിംഗ് ക്ലാസിനായി വീട്ടില്നിന്നു പുറപ്പെട്ട ബാലികയെ അഞ്ചു പേരടങ്ങിയ സംഘം ക്രൂരമായി മാനഭംഗപ്പെടുത്തുകയും ഈ വീഡിയോ ദൃശ്യങ്ങള് പ്രതികള് സിഡിയിലൂടെയും എംഎംഎസിലൂടെയും പ്രചരിപ്പിക്കുകയും ചെയ്തു. കേസിലെ പ്രധാന പ്രതിയായ പ്രശാന്ത് ഝാ സിംല കോടതിയില് കീഴടങ്ങുകയായിരുന്നു. ജലന്ധറില്നിന്നും ബിഹാറിലെ ചാപ്രയില്നിന്നുമാണു രണ്ടുപേര് പിടിയിലായത്. ജൂണ് 28ന് പത്രങ്ങളിലൂടെ വാര്ത്ത പുറത്തുവന്നതോടെയാണു പീഡനം പുറംലോകമറിയുന്നത്.