വലിയ സ്ക്രീനും കൂടുതല് മിഴിവുമുള്ള ഐഫോണ് എങ്ങനെയിരിക്കും. 4.6 ഇഞ്ച് 'റെറ്റിന' ഡിസ്പ്ലെയുള്ളതാണ് അതെങ്കിലോ. ആപ്പിളിന്റെ പുതിയ ഐഫോണ് അത്തരത്തിലുള്ളതായിരിക്കുമെന്ന് റോയിട്ടേഴ്സ് വാര്ത്താഏജന്സി റിപ്പോര്ട്ട് ചെയ്തു.
റിപ്പോര്ട്ട് ശരിയാണെങ്കില്, 2007 ല് രംഗത്തെത്തിയ ശേഷം ഐഫോണിന്റെ സ്ക്രീന് വിസ്താരത്തില് ആദ്യമായാണ് മാറ്റമുണ്ടാകുന്നത്. ഇതുവരെ പുറത്തുവന്ന എല്ലാ ഐഫോണ് മോഡലുകളുടെയും ഡിസ്പ്ലെ 3.5 ഇഞ്ചാണ്. എന്നാല്, 4.6 ഇഞ്ച് വലിപ്പത്തിലുള്ള റെറ്റിന ഡിസ്പ്ലെ തീര്ച്ചയായും ഐഫോണ് ആരാധകര്ക്ക് ഹരംപകരും.
അടുത്ത ഐഫോണില് വിസ്താരമേറിയ ഡിസ്പ്ലെ അവതരിപ്പിക്കാന് ആപ്പിള് തീരുമാനിച്ചു കഴിഞ്ഞെന്നും, ഡിസ്പ്ലെ നിര്മാതാക്കള്ക്ക് അതിനുള്ള ഓര്ഡര് നല്കക്കഴിഞ്ഞെന്നുമാണ് റിപ്പോര്ട്ട്. വ്യവസായരംഗത്തുള്ളവരെ ഉദ്ധരിച്ച് 'മെയ്ല് ബിസിനസ് ന്യൂസ്പേപ്പര്' ആണ് ഇക്കാര്യം റിപ്പോര്ട്ട് ചെയ്തതെന്ന് റോയിട്ടേഴ്സ് പറയുന്നു.