പത്തനാപുരം: കൊല്ലം പത്തനാപുരത്ത്
കന്യാസ്ത്രീയെ കിണറ്റില് മരിച്ച നിലയില് കണ്ടെത്തി. പത്തനാപുരം മൗണ്ട് താബോര്
ദയറാ കോണ്വെന്റിലെ സിസ്റ്റര് സൂസന് മാത്യുവിനെയാണ് മരിച്ച നിലയില്
കണ്ടെത്തിയത്. പത്തനാപുരം സെന്റ് സ്റ്റീഫന്സ് സ്കൂളിലെ അധ്യാപികയാണ്
സൂസന്.
കോണ്വെന്റിനോട് ചേര്ന്ന കിണറിന് സമീപത്ത് രക്തപ്പാടുകള് കണ്ട
ജീവനക്കാര് കിണറ്റില് നോക്കിയപ്പോളാണ് മൃതദേഹം കണ്ടെത്തിയത്.
ഉടന് തന്നെ
പോലീസില് അറിയിച്ചു. പോലീസും ഫയര്ഫോഴ്സും എത്തി പരിശോധിച്ചപ്പോളാണ് മൃതദേഹം
സിസ്റ്റര് സൂസന്റേതാണെന്ന് മനസിലായത്. കിണറിന്റെ തൂണിലും സമീപത്തും
രക്തപ്പാടുകളും കണ്ടെത്തി.
സിസ്റ്ററിന്റെ മുറിയില് നിന്ന് കിണറ്റിലേക്കുള്ള
വഴിയിലും രക്തപ്പാടുകളും വലിച്ചിഴച്ച പാടുകളുമുണ്ട്. മൃതദേഹത്തിന്റെ മുടി മുറിച്ച
നിലയിലാണ്. മുടിയുടെ മുറിച്ച ഭാഗം മുറിയിലും കണ്ടെത്തിയിട്ടുണ്ട്. മുറിയില്
ഒറ്റയ്ക്കാണ് കന്യാസ്ത്രീ താമസിച്ചിരുന്നത്.