തിരുവനന്തപുരം: ജലന്ധര് ബിഷപ്പ് ഫ്രാങ്കോ മുളയ്ക്കലിനെ രൂപതയുടെ ചുമതലകളില് നിന്ന് താല്ക്കാലികമായി മാറ്റി. ബിഷപ്പിന്റെ ആവശ്യം പരിഗണിച്ചാണ് തീരുമാനമെന്ന് സിബിസിഐ അധ്യക്ഷന് വ്യക്തമാക്കി.
മുംബൈ അതിരൂപത മുന് സഹായമെത്രാന് ആഗ്നെലോ റൂഫിനൊ ഗ്രേഷ്യസിനാണ് ജലന്ധര് രൂപതയുടെ പകരം ചുമതല നല്കിയിരിക്കുന്നത്.
തന്നെ ജലന്ധര് രൂപതയുടെ ചുമതലകളില് നിന്ന് താല്ക്കാലികമായി ഒഴിവാക്കണമെന്ന് ആവശ്യപ്പെട്ട് ബിഷപ്പ് ഫ്രാങ്കോ മുളയ്ക്കല് ഡല്ഹിയിലുള്ള വത്തിക്കാന് സ്ഥാനപതി മുഖേന മാര്പാപ്പയ്ക്ക് കത്ത് നല്കിയിരുന്നു.
ഈ കത്ത് പരിഗണിച്ചാണ് മാര്പാപ്പയുടെ തീരുമാനം എന്നാണ് വിവരം.